- 125
patindog sang isa ka batdaan kinahanglan pa nga magsallg sila
sa ila kaugalingon nga mga palhok. Hala, Placideto, kwarta
ina nga indi mausik!
Kag dinunganan niya ini nga mga tinaga sang iya may kahulogan nga mga pagpangilay.
Nadumdoman ni Placido ang hitabo sa isa ka bumoluthb nga nakakuha sing mga kurso nga nagdulot sing mga pispis nga kanaryo kag naghatag sing tatlo ka pesos.
— Tan-awa, nahibal-an mo? Isulat ko sing maathag ang imo ngalan agud nga mabasa sang Propesor, kita mo? Placido Penitente, tatlo ka pesos. A! Pamatii! Sa sulod sang napulb kag lima ka adlaw amo ang badu sang propesor sa Historia Natural ... Nakasayod ka nga maayo gid nga tawo, nga wala gid pagbutang sang mga palta kag wala man pagpamangkot sang leksyon. Tsiko, dapat ka magbatyag sing kabalaslan!
— Matuod!
— Hanti ano sa imo, indi bala katungdanan naton ang magpabadb sa iya? Ang orkesta indi dapat mangin kubos sangsa gindala naton sa Katedratiko sang Plsika.
— Matuod!
— Ano sa imo kon ibutang naton ang alamutan sa tagduha ka pesos? Hala, Placiding, panugdi ang pag-amot, agud manguna ka sa listahan.
Kag sanglit nakita niya nga si Placido naghatag nga wala magpangalag-ag sing duha ka pesos nga ginpangayb, ginsugponan niya sa pagsiling:
— Hoy, butangl sing apat ka pesos kay iuli ko ugaling sa imo ang duha: gamiton ko ina nga padanggot.
— Ti kon iuli mo man lamang sa akon, ngaa man nga ihatag ko pa gid sa imo? Ibutang mo lang nga apat ang naamot ko.
— A! matuod; daw ano sa akon kapakok! Nakasayod ka nga nagapakok na ako? Apang ihatag lang sa akon tanan, agud nga mapakita ko sa ila.
Si Placido agud indi magbutig sa Kura nga nagbunyag sa iya, naghatag sang ginpangayb sa iya.
Nagsampot sila sa Unibersidad.
