Sang mga Pari, nga sanday don Mariano Gomez (85 ka tuig), don
Jose Burgos (30 ka tuig), kag don Jacinto Zamora (35 ka
tuig) nga Ginpatay sa Bitayan sang Bagumbayan,
sang ika-28 sang Pebrero, 1872.
ANG SIMBAHAN, sa iya pagpangindi sa pagpakamalaot
sa inyo, nagbutang sa pangduhadoha sang Sala nga iya ginpabangod sa inyo: Ang Pangulohan, sa pagpalibot sa panumbong
batok sa inyo sang likum kag kalamalamahan nga mga butang,
nagapapati sa isa ka sayop, nga ginhimo sa mga tion nga malubha, kag ang bug-os nga Filipinas, sa paghangad sang inyo
handumanan kag sa pagtawag sa inyo nga mga tigbatas, wala
nagakilala sa maskin ano nga bagay sang inyo kasal-anan.
SAMTANG nga indi mapataiastas sing maathag ang inyo kahilabtanan sa kinagubot sa Cavite, kon bala kamo nanginmakibanwahanon ukon indi, kon bala kamo nakahupot sing mga balatyagon sa hustisya ukon wala, mga balatyagon sa kaluwasan, may kinamatarong ako sa paghalad sang akon sinulatan sa inyo subong sa mga nag-alantos sang kalainan nga buot ko sumpungon. Kag samtang ginahulat namon ang adlaw nga ang España mag-uli sang inyo mga maayo nga ngalan kag indi magpasilabot sa inyo kamatayon, bilangon lang ini nga mga pamihak nga ulihe nga salapid sang mga dahon nga laya sa ibabaw sang inyo wala matalupangdi nga mga lulobngan, kag yadto’ng tanan nga sa wala sing mga pamatuod nga maathag magpasipala sang inyo handumanan, sa inyo mga dugo buliton ang ila mga kamot.
xiii
