- 143
Ang pag-untat bala sa klase nagakahulogan sang kinaalam? And ang isiling mo sa akon pulopilosopo?
Ining’ ulihe nga sugpon amo ang tulo sang tubig nga nagpaawas sang sulodlan. Si Placido, nga sa iya mga abyan may kabantugan nga pilosopo, nadulaan sing pagpaumod, hinulog niya ang iya tulon-an, tumindog kag inatubang niya ang katedratiko:
— Tuman na, Padre, tuman na! Ikaw Reberensya sarang makabutang sang mga pag-untat ko sa klase nga luyag nimo, apang wala ka sing katarungan sa pagpakahuya sa akon. Magpabilin ka Reberensya sa imo klase, kay indi na ako makaantos.
Kag wala na magpaalam, lumakat.
Ang klase naurongan: ang kasubong nga buhat sa pagtipig sang dungdg wala pa makita: sin-o ang makahunahona nga si Placido Penitente ... ? Ang katedratiko, natingala, kinagat niya ang iya mga bibig kag nakita niya sia nga naglakat nga naglungolungb sang iya ulo nga may kaaligutgot. Sa tingog nga nagkurog sinugdan sang pari ang paglaygay sa amo man gihapon nga halambalon nga may labi nga pagpangusdg kag labi katanlas nga paghambal. Naghambal sia nahanungod sang kinaugali nga bugal, ang unay sa lawas nga batasan sang pagka-dimatinagubaluson, ang pagpakunokuno, ang diutay nga kataha sa mga mataas sing palangakban, ang pagkamatinaastaason nga kalag sang kadudolman pinasuldd sa mga pamatan-on, ang kakulang sang tinun-an, ang kakulang sang katahuran kag ibp. Kutob diri ginyauyao niya kag ginyaguta ang pagpulopakita sang ikasarang sang pila ka sulosup'a duhon sa pagtudlo sa ila mga manundulo nga mapatindog sing isa ka buluthoan sa pagpanudlo sang kinatsila.
— Ha, ha, — siling niya, — yadto’ng sang isa ka tinalikdan nga hapon halos makahibalo magbungat sang si, Padre, no Padre, luyag ka.ron nga mag-alam labi pa sangsa mga nagulubanon na sa pagpanudlo? Ang maluyag magtuon, magtuon, nga may mga buluthban ukon wala. Sa pagkamatuod ina, ina nga bag-o lang maghalin, isa sang mga nagasakdag sang proyekto! Magaayo ang kinatsila sa amo nga sari sang, mga sumalakdag! Diin ninyo kuhaon ang panahon sa pag-
