— Sa bagay nga mabutang sa katalagman ang maayo nga ngalan sang pungsod, — sabat niya sa paningog sang isa ka notaryo sa hukmanan nga nagbasa sang isa ka panumbong.
— Ina nahibai-an ko nga butig! Ano ang labot sang maayo nga ngalan sang pungsod sa mga pagbulot-an sang pagalangot sang mga butang?
— Ang Balaan nga Iloy nga simbahan may mga doktor ... Ano ang nahibal-an ko? Ngaa bala ginakahadlukan nga mahangpan naton ang mga pagbulot-an kag sarang naton matuman ... Ano ang mahanabb sa Filipinas sa adlaw nga kita maghinangpanay?
Si Sandoval indi makauyon sang lakat sang sinabtanay kag ang labtik sa hambalanay. Sa amo nga paagi indi makagwa ang maskin ano nga pamulongpulong nga sarang mapuslan.
— Ayaw pagbilanga nga lahog ang mga butang, — hinall niya nga nabungat. —Mga butang ini nga maligdong.
— Lwasa ako Diwa sa akon paglahog, —sabat ni Pecson, — samtang nga may mga prayle nga indi matiiodtuod!
— Apang, kag ano ang sarang nila mapasandigan?
— Sa bagay nga mabutang sa gab-i ang mga tinakna sang klase, —padayon ni Pecson sa amo man nga paningog nga daw ginhambal niya ang mga pormula nga nakilal-an kag nahi bal-an na, — sarang magamit nga isa ka sablag ang kabastusan subong sang nahanabb sa buluthban sa Malolos...
—Isa pa! Apang indi bala nga matabunan sang kumbong sang kadulom sang gab-i ang mga klase sa Akademya sa Dibuho, kag ang mga nobena kag mga prosesyon?
— Sa pagtipig sang kadungganan sang Unibersidad, — pa dayon sang matambok nga wala magsapak sang pagpanghimatarong.
— Tipigan! Ang Unibersidad dapat nga magtatap sang kinahanglanon sang mga tumoluon. Kag sanglit matuod ina, ano karon ang Unibersidad? Isa bala ka buluthban sa wala pagtuon? Gintipon bala ang pila ka tawo nga pinamutangan sing apelyido nga Cientia kag Instruccion agud punggan nga magtudlb sa iban?
