— Nga ang mga hulag nga nagahalin sa idalum ginatawag nga mga hulag sang mga indi makauyon...
— Kag ang mga hingyu nga nagahalin sa ibabaw, — tugda sang isa, — yara ang Buluthban sa mga Arte kag sa mga Palangakban!
— Paghinayhinay, ginuo, — siling ni Sandoval, — indi ako makiprayle, nakilala na ang akon mga kaisipan nga maalwan, apang ihatag kay Cesar ang butang nga iya ni Cesar! Ina’ng buluthban sa mga Arte kag Palangakban nga ako ang labing' inabaskog nga umalapin kag ang ila pagluntad dapat ko yauban nga amo ang nahauna nga pamanagbanag sa sining’ mapalaron nga mga pulo, ina nga Buluthban sa mga Arte kag Palangakban ginpatok sang mga prayle.
— Ukon ang idu sang manoghardin nga amo man, sugpon ni Pecson nga nagkadlaw man gihapon.
— Hand, p...! —siling ni Sandoval, —samtang nga wala kita sing makita nga malain, indi kita magdula sing pagsalig, indi bagay nga maghukom kita sing indi matarong nga duhadohaan naton ang kaluwasan kag kahilwayan sang pangulohan. ..
Kag hinambal niya sa matahum nga mga tinaga ang pangapin sang pangulohan kag ang iya maayo nga mga katuyban, pulolungon nga wala pagpangahasi ni Pecson sa Pagtublag. — Ang panguloan nga katsila, — sill ng niya sa tuhay nga paningog, — nakahatag sa inyo sang tanan, wala sing gindumili sa inyo. May amon sa Espana nga kasikismo kag ang kasikismo may inyo man kamo; ang mga prayle naghil-ob sang aton duta sing mga kombento kag mga kombento ang nagatilindog sa isa sang tatlo ka bahin sang Manila, sa Espana ginagamit ang garote, kag ang garote diri am6 ang katapusan nga silot; mga katoliko kami kag ginhimb namon kamo nga mga katoliko; kami nga mangin-alamon kag ang kinaalam nagabanaag sa inyo mga buluthban; sa katapusan, mga ginuo, mahibi kami kon nagahibi kamo, nagabatas kami kon kamo nagabatas, may amon kami sang inyo man mga altar, kag bagay nga hatagan kamo namon sang amon man mga kinamatarong kag sang amon mga kalipay an.
