Ang nag-abot nga nagdala sang labing’ maayo nga bag o nga panahon amo si Makaraig, ang pamatan-on nga amo ang nagpangulo sang hublag.
Ini nga tumoluon nagkuha sa amo nga balay, sa iya lamang kaugalingon, sing duha ka hulot nga namweblehan sing tnadayaw, may sulogudn kag kotsero nga manogtipig sang iya aranya (labing' mamag-an nga karwahe) kag sang iya mga kabayo. Madayaw sia sing panagway, mahinhin sing mga gawi, kag nakatuon sang Pagkamananabang sa pagkuha lamang sang titulo sa pagtulon-an, nag-agum sia sing kabantugan nga palatuon, kag sanglit maayo magpangatarungan sa gawi sang mangin-alamon, wala sia dapat kailaan sa labing’ maayo nga mga manogbaisbais nga taga-unibersidad. Indi man sia ulihe sa mga kaisipan kag kauswagan nga binag-o; ang iya manggad nakapatigayon sa iya sang tanan nga libro kag mga magasin nga wala mahawiri sang mga pagdumili.3 Sa sini nga mga ugali kag sa iya kabantugan nga maisog, sa iya mga mapalaron nga pagpakigsumpong sa tinuig nga sia lanubb pa, kag ang iya pagkamaalwan nga makalilipay, indi katingalahan nga sa iya may kataha ang iya mga kaupdanan kag napilian sia sa paghatag malipayon nga katapusan sa tuman ka lisdd nga hilikuton subong sang pagtudlb sang kinatsila.
Nagligad ang nahauna nga mga pagpakita sang mga kakunyag nga sa pamatan-on ini nga balatyagon kapin kaayo kay tanan ina ginatan-aw nila nga matahum, luyag sila maghisayod kon paano ang lakat sang mga butang.
— Karon nga aga nagpakigkita ako kay P. Irene, — siling ni Makaraig nga daw may likum.
— Mabuhi si P. Irene! —singgit sang isa ka tumoluon nga may kakunyag.
— Si P. Irene, — padayon ni Makaraig, — nagsugid sa
akon sang tanan nga nahanabb sa Los Banos. Daw ginhambalan nila sa suldd sang indi magkubos sa isa ka semana, nga
ginsakdag niya kag gin-apinan ang aton ginapangayo batok sa
—————
3Wala sing librero nga makapasulod sing mga libro gika’n sa iban nga
pungsod nga indi niya anay pag-ipausisa sa mga punoan nga Manog-usisa. Ang
Guban sang Manog-usisa gintapoan sang mga prayle sa kalabanan, nga sa masunson nagdumili sa pagpasulod sang mga libro nga indi maghisundo sa ila
luyag.
