tanan, batok kay P. Sibyla, P. Hernandez, P. Salvi, sa Heneral,
sa Ikaduha nga Kabo, ang manog-alahas nga si Simoun.
—Ang manog-alahas nga si Simoun! — sal-ot sang isa. —Apang, ano man ang labot sina nga hudiyo sa mga butang sang aton pungsod?
-—Paghipos ka! —siling sa iya sang isa nga indi makahulat kag maluyag maghisayod kon ano ang paglutos ni P. Irene sang amo kabakod nga mga kasumpong.
— Tubtob nga may dalagko nga mga alagad nga nagpamatok sa aton hingyu, ang Direktor sang Administrasyon Sibil, ang Gobernador Sibil, ang Insik nga si Quiroga4...
— Ang Insik nga si Quiroga! !...
— Paghipos ka!
— Sa katapusan, — padayon ni Makaraig, — ginpabayaan nila nga taguon ang mga papel sa aton hingyu kag patulugon sa mga binulan sang si P. Irene makadumdom sang Ko misyon Superyor sang Instruksyon Primarya kag naghingyb nga sanglit kay ginbukb ang pagtudlb sang hambal nga kinatsila, ang mga papel dapat mag-agi sa amo nga komisyon agud maghatag sing kabubut-on nahanungod sina...
— Apang ina nga Komisyon dugay na nga panahon nga wala paghulag, —siling ni Pecson.
— Ina man gani ang ginsabat nila kay P. Irene, — pada yon ni Makaraig, — kag sia nagsabat nga isa ka maayo nga kahigayunan yadto nga bullion, kag naghimulos sang pagtambong ni D. Custodio, isa sang mga bokal, naghingyb sia nga sa amo nga tion tukuron ang isa ka Komisyon kag sanglit nakita kag nahibal-an ang ginahimo ni D. Custodio, sia ang ginhingalanan nga taghingyb kag karon ang mga papel yara sa iya mga kamot. Si Dn. Custodio nagtug-an nga tapuson niya ang tanan karon nga bulan.
— Mabuhi si Don Custodio!
4Ang insik nga si Quiroga amo ang tunay nga larawan ni insik V. . . , manggaranon kaayo, nga may isa ka daku nga almasin sa Manila nga balaligyaan sang tanan nga butang. katulad sang dalagko nga mga basar sa Europa. Kag ginasugid nga sa labing* mataas nga panalgan sang iya balay ang insik may mga hulot nga ginapagamit sing hilway diin ang pila ka prayle sang Manila (nga indi makatigayon sang daku nga kahilwayan subong sa mga puod) nagahiwat sang mga pagkilitaay nga indi balaan kag ginasugponan sang mga nagahilinuringhoring nga ang amo man nga insik nagapatigayon sang amo nga mga pagkilitaay.
