nga iya gintun-an sing maayo ang pagbatyag sang mananabang sang iya mga tinaga. Si Gg. Pasta namati nga may kataka sa pamunb kag, bisan nga nakasayod sia sang mga ginhimud-osan sang mga tumoluon, nagpakita sia nga daw wala
makahibalo sa pagpakilala nga wala sia paghilabot sa mga
butang nga pinayaon; apang sang mamutikan niya ang kinahanglan nila sa iya kag sang iya mabatian nga nahanungod
sa Bise Rektor, mga prayle, Kapitan Heneral, proyekto, kpb.,
ang iya guya amat-amat nga dumulom kag sa katapusan nagsiling:
— Ini amo ang pungsod sang mga proyekto! Apang padayuna, padayuna...
Si Isagani wala bumatyag sing kalas-ay; humambal sia nahanungod sang resolusyon nga ila ihatag kag tinapos niya ang sugilanon nga nagpahayag sang pagsalig sang mga pamatan-on nga sia. si Gg. Pasta, magabulig sa ila kaayuhan kon si don Custodio magpalapit sa iya sa pagpamangkot, nga am6 ang ginpaabot. Wala magpangahas si Isagani sa paghambal nga magtudlb sia tungod sa nawong nga nagkuriit nga ginpakita sang mananabang. Apang si Gg. Pasta may pat-od na nga kabubut-on kag amo nga indi maghilabot sa amo nga hulusayon nga sia himuon nga palamangkutan. Nakasayod sia sang nagkahanabb sa Los Banos, nakahibalo sia nga may duha ka guban nga nagsumponganay, kag indi kay si P. Irene lamang ang manog-apin sang mga tumoluon, indi man kay sia ang naghingyb nga itugyan ang proyekto sa Komisyon sang Instruksyon Primarya kundi ang baliskad sini. Si P. Irene, si P. Fernandez, ang Kondesa, isa ka pumalatikang nga nagaman sa pagbaligya sang mga idadapat nga ipatindog sang bag-o nga Akademya kag ang mataas nga alagad nga naghinambit sang mga mandu sang hari buot na kuntani nga madaog, sang si P. Sibyla nga naghingagaw sa paghimulos sang panahon, nakadumdom sang Komisyon Superyor. Ini tanan nga butang yara sa panumdoman sang daku nga mananabang; gani nga sang makatapos na sa paghambal si Isagani, nag-isip sa pagpatalang sa iya sa mga butang ng labaylabay, nagpalubog sang hulusayon. kag dinala niya ang sugilanon sa iban nga butang.
