nga kriminal, sililutan kay nagasumpong sa mataas nga palahinandigan sang gumalahom, nga maghimb sang isa ka buhat
nga batok sa iya kaisipan bisan pa bilangon nga maayo sangsa
ginahingyb sang pangulohan, kay ang amo nga buhat makapalain sa maayo nga ngalan nga amo ang nahauna nga sadsaran diin nagaluntad ang tanan nga kagamhanan sa mga kolonya.
Kag ang tigulang nga mananabang, nga nagtuo nga ang amo nga hambal nakapatalang sa pamatan-on, sumandiay sa iya pulungkban nga maligdong apang sa sulod sang iya balatyagon nagyuhom.
Apang, si Isagani nagsabat:
— Ako nagtuo nga ang mga pangulohan mangita sing mga sadsaran nga labi kabakod kon labi sila nga ginasumpong ... Ang sadsaran sang maayo nga ngalan sa mga pangulohan nga manggagahum amo ang labing’ mahuyang, kay wala nasandig sa ila kundi sa maayo nga kabubut-on sang mga ginagahuman samtang luyag nila ina kilalahon ... Ang sadsaran sang hustisya kag katarungan kon sa akon lamang amo ang labing’ nagadugay...
Tumongkaaw ang ulo sang mananabang. Kay ang amo nga pamatan-on nan gahas sa pagsabat kag pagpakigbais sa iya, sa iya, kay Gg. Pasta? Wala pa gihapon magtalang sa iya dalagkb nga mga sugid?
— Pamatan-on, ipaiway ina nga mga panghunahona sa isa ka bahin, kay mga makatalagam, —tablaw sang mananabang nga humagyb sang iya kamot. — Ang ginasiling ko sa imo nga pabay-an mo nga ang pangulohan maghimb sang iya luyag.
— Ang mga pangulohan ginhimb sa kaayuhan sang mga banwa, kag sa pagtuman sang iya katuyban sing nagakaigb dapat nila sundon ang mga luyag sang mga banwahanon nga amo ang nakakilala sing maayo sang ila mga kinahanglan.
— Ang mga nagtulukod sang pangulohan mga banwaha non man kag labi pa nga nakatuon.
— Apang, sanglit sila mga tawo, sila masalaypon, kag indi dapat nga indi nila pagpamatian ang kaisipan sang iban.
— Magsalig ka sa ila; ina tanan ihatag nila.
