niya ang mga tikang nga nag-amat-amat pahilayo kag nagbalik sia sa pagpungkb nga nagkibot:
— Kailo nga pamatan-on! Katulad man nga mga panghunShuna ang naglabay sa akon panumdoman sadto! Ano pa ang kapin nga handumon sang tanan sa pagsiling nga: nahimb ko ini sa akon pungsod, nahalad ko ang akon kabuhi sa kaayuhan sang iban ... Purong nga lawrel nga natusmog sa batyay, laya nga mga dahon nga nagatabon sa mga tunok kag mga ulod! Ina indi kay pangabuhi, ina indi makahatag sing kalan-on, bisan sang mga kadungganan, ang mga lawrel halos magamit sa isa ka salsa ... indi man makahatag sing kalinong, bisan makapadaog sang mga kasaba, baliskad pa gam! Ang tagsa ka pungsod may kaugalingon nga batasan subong sang iya panahdn kag sang iya mga balatian; nga tuhay sangsa mga panahon kag mga balatian sang iban nga mga pungsod!
Kag sang ulihe ginsugponan niya:
— Kailo nga pamatan-on! ... Kon ang tanan manghunahona kag maghimb katulad sa iya, indi ako makasiling nga indi ... Kailo nga pamatan-on! Kailo si Florentino!
