ka insik nga babae, inoghatag yadto sa isa ka matahum kag
makailila nga babae, nga abyan sang isa ka daku nga ginuo,
kag ang iya bulig kinahanglan niya sa isa ka negosyo nga sarang maganansyahan sing bug-os nga anum ka libo ka pesos.
Kag sanglit ang insik wala makahangop sang mga luyag sang
babae kag buot sia magpakaalwan, kinuha niya ang tatlo ka
labing’ maayo nga mga pulseras sang manog-alahas nga, nagbili sing kutob sa tatlo tubtob sa apat ka libo ka pesos ang tagsa.
Ang insik, nagpakita sang iya kaalwan, nga nagyuhom sing
labi kahilo, nagsiling sa babae nga magpili sia sang labi nga
iya naluyagan; apang ang babae nga naglabi pa gid kaalwan
kag tuman kalulo, naghambal nga ang tatlo nga tanan na
luyagan niya kag kinuha niya.
Humalakhak si Simoun.
— A. senyoliya! ako pelilo, ako luinalo —gaab sang insik nga ginpulopikpik niya si Simoun sang iya magagming nga mga kamot.
— Hm! Lain tawo, sigulo senyoliya lain mamaye! —padayon sang insik nga naglungolungo. —Ano? Wala huya, tungod ako insik isa simpele tawo. A, sigulo senyoliya lain mamaye; isa lamang sigalela5 may huya pa!
— Nadakpan ka nila, nadakpan ka nila, —hambal ni Simoun nga iya gintulotuslok ang buy-on sang insik.
— Kag tanan utang kwalta wala mayat, ano ina? —kag inisip niya sa iya mga tudlo nga may malagba nga mga kuko, — impelealo, opisia, tinyente, sulalo, a, sinyo Simoun, ako pililo, ako hapay!
— Ayaw na magsagad panumbong, — siling ni Simoun. — Ginlwas ko ikaw sa madamo nga opisyal nga nangayo sa imo sing kwarta ... Pinahulam ko sila agud indi ka nila paggamuhon kag nahibal-an ko nga indi sila makabayad...
— Apang, senyo Simoun, ikaw pautang opisya, ako pautang mamaye, sinyola, malinelo, tanan-tanan...
— Masukot na nimo ina tanan!
— Ako sukot? A, sigulo ikaw wala himalo! Kon sila
pelilo hwego indi mayat! Mweno, ikaw may konsu, pwele
milit, ako wala...
____________
5Cigarrera — Isa ka babae nga manoglikit sang tabako.
