kag ako makakita sing daku nga kwarta sa pagpahilway sang
mga pinanghunong. Nahangpan mo ako?
Si Quiroga nangduhadoha; may kahadlok sia sa mga ilulothang. Sa sulod sang iya latok may isa ka rebolber nga wala sing bala nga wala gid niya pagtanduga kon indi niya anay maliso ang iya ulo kag makipot ang iya mga mata.
— Kon ikaw indi makahimo, madangop ako sa iban, apang kinahanglan ko ang akon siam ka libo ka pesos nga ilana sa mga kamot kag sa pagpapiyong sang mga mata.
— Mweno, mweno! —siling ni Quiroga sa katapusan. — Pelo mutang pileso lamo tawo? Sugb likesa, ha?
Sang magbalik si Quiroga kag si Simoun sa kadak-an nakita nila ang mga nag-alabot sa pagpanihapon, nga naghilinunanon sing masinadyahon: ang tsampan nagpahilway sa mga dila kag nagpakunyag sang mga utok. Naghalambal sing tuman kahilway.
Sa isa ka guban diin may madamo nga alagad, pila ka ginang kag si D. Custodio, ginhambalan ang nahanungod sa isa ka komisyon nga ginpadala sa India sa pagtuon nahanungod sa mga sapatos nga gamiton sang mga soldado.
— Kag, sanday sin-o ang mga katapo? — pamangkot sang isa ka tigulang nga babae.
— Isa ka koronel, duha ka opisyal kag ang hinablos sang Iya Taslangdon.5
— Apat? — pangkot sang isa ka alagad. —Malakat ang isa ka Komisyon! Kag kon magtuhaytohay ang ila mga kaisipan? Batid bala sila?
— Amo ina ang akon ginpamangkot, — sugpon sang isa. — Ginsiling nga dapat maglakat ang isa ka timawa, ang isa nga wala sing mga dulomdumon sa pagka-militar ... ang isa ka manogsapatos halimbawa...
— Ina ugaling, — sabat sang isa ka importador sang mga sapatos. —Apang indi kay sa pagpadala lamang sang isa ka
_______________
6Sang panahon ni Heneral Terrero nagkadto sa India (nga sakop sang Inglaterra) ang isa ka Hubon sa pagbakal sang napulo kag duha ka kabayo nga palabuaron; sa amo nga Hubon nangin-katapo ang hinablos sang Heneral, nga ikalimang’ opisyal sang Tesorerya, apang wala sing isa sa ila nga beterinaryo. Ang amo nga Hubon nakahinguyang sing madamo nga linibo ka pesos, kag ang mga kabayo wala mapusli nga ginpamaligya lamang sa kubos nga bili sa mga tawo nga Iwas sa pangulohan.
