sing masunson, nga paos kag makapataha katulad sang isa ka
madaugdaugon nga manggagahum nga maluyag magdumala sa
mga singgit, sa bagay nga sa sulod wala sing nagsapak. Nagpahog sang iya mga masugata; nian daw dugmukon niya ang
mga salambaw, mapigaw nga mga kasangkapan sa pangisd^ nga
sa ila mga hulag nagkaanggid sa mga tul-an nga dalagkb nga
nagyaob sa isa ka butang nga may dagway sang pawikan sang wala
pa ang Anaw; nian nagdalagan sing tadlong padulong sa mga
kawayanan, nian padulong sa mga kalan-an ukon karihan sa
higad sang pangpang, nga sa tunga sang mga tapulanga kag
iban nga kabulakan, daw wala’y gaman nga mga manogpaligo
nga ang ila mga till natusmog na sa tubig apang wala pa sing
tuyb sa paglumpat.... Kon kis-a, nagsunod sang alagyan sa suba
nga may mga talok nga kawayan, ang bapor naglakat nga malipayon kaayo; kapin pa, sa hinali lamang ang isa ka pagsunggb
makauyog sang mga sumalakay kag makapadula sang ila panimbangon: nakasunggb sa bahura nga lunang nga wala sing nakasayod....
Kag, kon ang pagpaanggid-anggid sang bapor sang Pangulohan indi pa bug-os, tan-awon man ang kahimtangan sang mga sumalakay. Sa naubds nga kubyerta makita ang mailum-ilom nga mga nawong kag mga ulo nga itum, mga dagway sang indyo, mga insik kag mga kayumanggi, nga nagginutok sa tunga sang mga butang nga ibalaligya kag mga baul, samtang nga didto sa hitaas, sa naibabaw nga kubyerta kag sa idalum sang tolda nga nagahandong sa ila sa silak sang adlaw, nagpulungkb sa maaliwanay nga mga pulungkban ang pila ka sumalakay nga nagpalanapot sang pagka-Europanhon, mga prayle kag mga alagad, nga nagtalabakb sing madamb nga mga tabako, nga nagtulok sa mga talan-awon palibot, nga daw wala magsapak sang mga paghimud-os sang kapitan kag mga grumiti sa pagpanginlwas sa malisod nga mga bahin sang suba.
Ang kapitan isa ka tawo nga may pangnawong nga maalwan, gulang na kaayo sa panuigon, dumaan nga sakayanon nga sang sia pamatan-on pa kag sa mga sakayan nga labi kadasig nakapanakayon sa labi ka sangkad nga kadagatan kag karon sa iya katigulangon dapat nga maggamit sia sang dako nga pagtalupangod, pag-andam kag pagbantay sa paglikaw sa tagdiutay
