ginahambal nimo nahanungod sa mga soldado ayhan may ka
matuoran, apang ang butang nga nakapuyo na ako sing kapin
sa tatlo ka tuig din sa pungsod kag wala ako makakita sing
bisan isa nga piang.
— Sa sina ang akon kaisipan subong man sang ginang, — siling sang iya kaingod, — ngaa pa gid nga hatagan sila sing sapatos kon natawo sila nga wala sina?
— Kag ngaa pa gid pabayban?
— Kag ngaa pa gid padilargohan?
— Binagbinagon mo kon ano ang masaplid naton sa isa ka ehersito nga lunsay hublas! — hingapos sang isa nga nag-apin sa mga soldado.
Sa isa ka guban ang binaisay labi pa gid kainit. Si Ben Zayb naghambal kag nagpamulongpulong, si P. Camorra su bong sangsa gihapon nagsablag sa iya sa tagsa ka tion. Ang mamantalang’ prayle, wala’y sapayan sang tanan niya nga pagtahod sa mga nagsotana, masunson sia nagpakigbais kay P. Camorra nga ginbilang niya nga isa ka ahaw lamang nga puloprayle; subong man nagpakita sia nga sia hilway kag ginsabat niya ang mga panumbunganon sa iya nga sia si Utod Ybanez. Luyag ni P. Camorra ang iya kasumpong: sia la mang ang nagpakaligdong sang gintawag niya nga iya pagpanghimatarong.
Ginhambalan ang magnetismo, espiritismo, salamangka kag ibp., kag ang mga tinaga naglulopad sa hangin katulad sang mga bola kag mga kutsilyo sang duha ka humalampang: sila ang naghaboy kag sila man ang nagdakop.
Sang amo nga tuig nag-agda sang igtalupangod sang madamo sa pasundayagan sa Quiapo ang isa ka ulo, nga gintawag
nga esfinhe,7 nga ginpagwa ni Mr. Leeds, isa ka amerikanhon.
Dalagkb nga mga pahibalo ang nahumlad sa mga dingding
sang kabalayan, makatilingala kag masulub-on nga ginkabulongan sang tanan. Bisan si Ben Zayb, bisan si P. Camorra, si
P. Irene, ukon si P. Salvi wala pa sina makakita. Si Juanito
Pelaez lamang ang nakatan-aw isa ka gab-i kag sinugid niya
sa guban ang iya pagdayaw.
——————
7Estinge — Isa ka sapat nga daw panulay ukon yawa.
