Si Ben Zayb, sa iya pagka-mamantala, may luyag sa pagpangita sang kasaysayan nga nagkaigb; si P. Camorra naghambal nahanungod sang panulay; si P. Irene nagyuhom, si P. Salvi maligdong gihapon.
— Apang, Padre, kon ang panulay indi na magkari; tuman na kita nga magsubol sa aton kaugalingon...
— Sa iban nga bagay indi nga mas-a masaysay. . .
— Kon ang syensya...
— Pabay-i ang syensya! Nga lintik!
— Apang pamatii ako, ipakita ko sa imo. Ang tanan yara lamang sa panulok. Wala pa nakon makita ang ulo kag wala man ako makahibalo kon ano ang ila pagpasundayag. Ang ginuo — nga tinudlb si Juanito Pelaez — nagsugid sa aton nga indi katulad sang mga ulo nga nagahambal nga makita naton sing masunson — gall! Apang ang gwa amb man; ang tanan yara lamang sa panulok; hulat ka anay, ginbutang ang espeho subong sini, isa ka espeho sa likod, ang larawan nagapanumbalik ... masiling ko nga isa lamang ka lulubaron sa Pisika.
Kag pinangakas niya ang pila ka espeho sa mga dingding, gintulopad niya, pinahilay kag sanglit wala niya makuha ang iya katuyban, nagsiling sia:
— Subong sang nahambal ko na, indi magkapin kag magkulang sa isa ka butang sa panulok.
— Apang ano nga mga espeho ang luyag nimo, kon ang sugid sa aton ni Juanito nga ang ulo yara sa sulod sang kaha nga ginatungtong sa ibabaw sang latok ... dira makita ko ang espiritismo kay ang mga espiritista nagagamit gid sang mga latok, kag nagapati ako nga si P. Salvi, sanglit gobernador eklesyastiko dapat magdumili sang talan-awon.
Si P. Salvi naghipos; wala maghambal sing huo ukon indi.
— Sa paghisayod kon sa sulod may mga panulay ukon mga espeho, — sabat ni Simoun!—Ang maayo nga magkadto kamo sa pagtan-aw sang bantog nga espinhe.
Ang hingyii daw maayo kag ginpakamaayo, apang si P. Salvi kag si don Custodio nagpahayag sang ila pagpamatok. Sila, makadto sa isa ka perya, manigal-ot sa madamb kag matan-aw sang mga espinhe kag nagahambal nga mga ulo! Ano ang isiling sang mga indyo? Sarang sila mabilang nga mga
