tawo nga may amá man nga mga kaibog kag mga kapigawan
katulad sang ibán. Hanti si Ben Zayb. sa iya kalalangan sa
pagka-mamatalà, nagtug-an nga pangabayón niya si Gg. Leeds
nga indi pagpasudlon anay ang kadamòan samtang nga didto
silá sa sulód: tuman nga kadungganan ang mahatag nila sa iya
sa ila pagduaw nga indì siá magdumili, kag indi pa siá mag.
sukót sa ila sang ila pagsulód. Sa paghatag katunayan siní
nga patuga si Ben Zayb nagsilíng:
Kay. binagbinagon ninyo! Kon matukibán ko ang likum sang espeho sa atubangan sang mga tumalan-aw nga mga indyo! Makuhaan sing tinapay ang kailó nga amérikan hon!
Si Ben Zayb isá ka tawo nga tuman kamapinatugsilingon. Nagpalanaóg ang napulò kag duhá, nga sa ila nalakip ang pilá nga aton nakilala nga sanday D. Custodio, P. Salví, P. Camorra, P. Irene, Ben Zayb kag Juanito Pelaez. Binayàan nila ang ila mga salakyan sa ganhàan sang plasa sa Kiapo.
