hulagholag gin-angayan sang nagbalod nga kwelyo, nagpugong
sang tanan nga kadalag-an sang bug-os nga kadayawan kag
kalandian. Daw naglain ang buot ni Isagani; nagpahiol sa iya
ang madamo nga mata nga nagtululok, ang madamo nga nalingaw sa kagayunan sang iya hinigugma: ang mga panulok
ginbatyag niya nga daw mga makawat, kag ang mga yuhom
sang pamatan-on nga dalaga ginhangop niya nga mga paglubha.
Sang makita sia ni Juanito pinataas niya ang iya buklod kag magyaob; binalusan sia ni Paulita sing pasapayan, tinawag sia ni Da. Victorina. Si Juanito ang naluyagan ni Da. Victorina, kag ginpasulabi niya sia sa kay Isagani.
— Daw ano nga dalaga, daw ano nga dalaga! —kibot ni P. Camorra nga ginbalani ang iya igtalupangod.
— Oy, Padre, kusia ang imo pus-on kag pabay-i kami sa kalinong! —hambal ni Ben Zayb nga naglain ang buot.
—-Daw ano nga dalaga, daw ano nga dalaga! —sulit niya. —Kag kahagugma niya ang akon bumoluthb, ang isa sang mga magamo!
— Palad lang niya kay wala sia sa akon banwa! —sugpon niya sang ulihe nga makapila magbalikid agud masunod niya sia sang iya panulok. Nabalani sia nga buot niya bayaan ang iya mga kaupod sa pagsunod sa pamatan-on. Binudlayan si Ben Zayb sa pagpugong sa iya.
Si Paulita nagpadayon sa paglakat kag nakita ang matahum nga kulod sang iya lawas, ang iya diutay nga ulo nga nabanhay sing makailila naghulag nga may kinaandan nga landi.
Ang aton mga imanogdayandayan nagpadayon sang ila paglakat nga nagpadalum sang iya pagginhawa ang prayleng' artilyero kag nakaabot sila sa isa ka tyanggi nga nalibutan sang mga tumalan-aw nga sa gilayon naghatag sang ila mga pulungkoan.
Isa yadto ka tyanggi nga may mga tawutawo nga kahoy, nga hinimo diri sa pungsod, nga nagpakilala sa tanan nga kadakuon kag mga dagway, mga kabikahan kag mga pangita sa sulod sang Kapuloan, mga indyo, mga katsila, mga insik, mga mestiso, mga prayle, mga klerigo, mga alagad, mga go-
