bernadorsilyo, mga tumoluon, mga militar, ibp. Tungod ayhan
kay ang mga taggutib may labi nga paghigugma sa mga pan,
nga ang mga pligis sang ila mga sotana gingamit nila sa katuyban nga magpatahum, ukon ang mga prayle, nga may daku
nga paghilabot sa katilingban nga pilipinhon amo ang labi nga
nagtambong sa panumdoman sang eskultor, tungod bala sa isa
ka bagay ukon liwan, ang matuod nga madamo ang ila mga
uloestatwa, nga nahimo sing maayo, nasangkapan sing maayo,
nga ginpakita sila sa labing’ maanyag nga mga tion sang ila
kinabuhi, nga baliskad sang ginhimo sa Europa diin ginpinta
sila nga nagtulog sa ibabaw sang mga barel sang alak, nag
hampang sang mga baraha, nagtalayhong sang mga kopa, nagpakunyag ukon nagpabusog sang ila kaibog sa paghikaphikap
sang lab-as nga nawong sang isa ka pamatan-on nga babae.
Indi; ang mga prayle sa Filipinas tuhay sing ila; mga makailila, mga tadlong sing panglawason, maayo sing mga panapot, ang buhok napaguntinan sing maayo, ang ila mga pang
nawong maligdong, ang panulok madinumdumon, may pagkabalaan, mapulapola ang mga pisngi, may baston nga palasan
sa kamot kag may mga sapatos nga tsarol, nga nagahatag kaluyag nga paghangaron kag ibutang sa mga sulodlan nga kristal. Sa baylo sang mga kahalimbawaan sang mga pagpakalakas sa pagkaon kag painum kag pagpakita sang malain nga
mga ugali sang ila kautoran sa Europa, ang mga diri sa Manila
may mga libro, may krusipiho, may paklang sang paghidait sang
tigbatas: sa baylo nga maghalok sa ahaw nga mga umanhon,
ang mga taga-Manila nagpahalok sing maligdong sa ila kamot
sang kabataan kag sang mga tawo nga gulang na, nga nagyaob
kag halos nagluluhbd: sa baylo nga puno ang hulot-talagban
kag kalan-an sing mga pagkaon, nga amo bilang ang ila mga
palagwaan sa Europa, sa Manila sila may oratoryo,3 latok, nga
tulon-an; sa baylo sang manogpakilimos nga prayle nga nagpangadtukadto sa isa kag isa ka ganhaan nga may diutay nga
kabayo kag sako sa pagpakilimos, ang prayle sa Filipinas nagsabwag sa iya mga kamot nga puno sing bulawan sa mga imol
nga indyo.. 4
________________
3 Oratorio —Latok nga palangadian.
4 Indi na sarang mapangayo ang palahid nga maglabi pa sa palahid nga indi hayag ni Voltaire.
