—Tan-awá ninyo. yari si P. Camorra! —silíng ni Ben Zayb nga balóng pa gihapon sang alák nga tsampan.
Kag tinudlò niya ang isa ka laragway sang isá ka prayle nga maniwang, nagapadalum sang iya panumdoman, nagalingkod sa luyó sang isá ka latók, ang iya ulo natungtong sa palad sang iya kamót, nga daw nagasulát sang isá ka wali. Ang isá ka lámpara daw nagahatag sa iya sing kasanag.
Ang baliskad sang buót ipahangóp nagapakadlaw sa damò.
Si P. Camorra, nga nalipát na kay Paulita, nakamutík sang katuyoán kag namangkot siá:
—Kag sino ang kaangay sining' isá ka laragway. Ben Zayb?
Kag kumadlaw siá katulad sang isá ka palalangas.
Isa yadto ka tigulang nga pihák sing matá, gumón ang buhók, nagapungkò sa dutà katulad sang mga ginahangad nga indyanhon, nga nagapamalantsa sing mga bayù. Ang plantsa nailóg sing maayo: nahimò sa saway, ang mga uling oropel, kag ang nagalulobid nga asó, linubag nga algodón nga mahigkò.
—Oy, Ben Zayb, indi buang ang nakaisip sinâ? -pamangkot ni P. Camorra nga nagkadlaw.
—Indi ko mahangpan ang buót niya isilíng! —hambal sang mamantalà.
—Apang, nga lintik! Wala mo makità makità ang tig-ulo, Prensa nga Pilipinhon? Inâ nga galamitón Inâ nga galamitón nga ginaplantsa sang tigulang nga babáe, ginatawag diri nga prensa!
Ang tanan nagkinadlaw kag si Ben Zayb nag-arut-ot man sang kadlaw.
Duhá ka soldado nga Gwardya Sibil nga naletrahán sing civiles, nabutang sa likód nayon sang isá ka tawo, nagapos sang mabakod nga mga kadena kag ang nawóng natabunan sing kalù: natig-ulohan sing: Ang Pungsod sang Abaka kag daw luthangón nila.
Madamò sang aton mga dumuloaw indì makauyon sang pasundayag. Naghalambal silá sang mga pagsulondan sang arte, ginpangità nila ang mga pagkabalantang, ang isá nagsilíng nga ang isa ka tawo walâ sing pitó ka ulo nga sa na-
