wóng nakulang ang isá ka ilóng, may tatlo lamang, nga daw
nagpalibóg kay P. Camorra, nga walâ makahangóp kon ano
ang isa ka dagway sang tawo, agúd mag-ayo, kinahanglan nga
may apat ka ilóng kag pitó ka ulo; ang isá nagsiling nga kon
sílá mga kusganán, kon ang mga indyo indì mangín subong;
kon inâ eskultura ukón pinandayán lamang, kag ibp.; ang
tagsa sa ila nag-amot sing diutay nga pagsabdong, kag si P.
Camorra, sanglit indì kubós sa ibán, nagtiláw sa pagpangayò
sing kubós na gid sa katloán ka paa sa tagsa ka munyeko.
—Ngaa man, kon ang ibán nangayò sing mga ilóng, indì siá magpangayò sing mga kusóg? Kag didto man ginbaisbaisan nila kon balá ang indyo may mga masarangán sa eskultura, kon bagay balá pauswagón ang amó nga arte, kag nasugdan ang isa ka daků nga binaisbais nga inutód ni D. Custodio nga nagsilíng nga ang mga indyo may masarangán, apang kinahanglan nga manghimò lamang silá sing mga santos.
—Bisán sin-o makasilíng,— sabát ni Ben Zayb nga sa maayo nga mga panghunâhonà sang amó nga gab-i, —ngi inâ nga insik si Quiroga, apang kon tulukon siá sing maayo daw si P. Irene.
—Kag ano ang ihambal ninyo sa akon sinâ nga indyo-inglés? Daw si Simoun!
Nagguób ang bag-o nga kinadlaw. Hinikaphikap ni P. Irene ang iya ilóng.
—Matuod! Matuód!— Amó siá!
- Apang diín si Simoun! Dapat baklon inâ ni Simoun! Si Simoun nadulà, walâ sing nakakità sa iya.
— Nga lintik!— Silíng ni P. Camorra. —Kahakog sang amérikano! Nahadlok siá nga pabayaron naton siá sang pagsulód sang tanán sa palasundayagán ni Mr. Leeds.
—Indi!— Sabát ni Ben Zayb.— Ang nahadlukán niya nga mabutáng siá sa ital-ital. Ayhan nabatyagán niya nga dàan ang lahóg nga ginahulát niya sa iya abyan nga si Mr. Leeds kag naglikáw siá.
Kag walâ silá magbakál sang maskin labing' diutay nga dinuagán pinadayon nila ang ila paglakát sa pagtan-aw sang bantog nga espinhe.
