SI MR. LEEDS, isa ka tunay nga amerikanhon, nga lunsay nagpanapot sing itim, nagbaton sa ila sing tuman ka maabiabihon. Naghambal sia sing maayo sang kinatsila tungod nga nakapuyo sing madamo nga tinuig sa Amerikang' Nabagatnan. Wala maghatag sing ano nga kasablagan sa luyag sang aton mga dumuloaw; nagsiling sia nga sarang mausisa ang tanan, tanan, sa wala pa kag pagkatapos sang gwa; sa pagpagwa, ginpangabay niya sila nga indi maggahod. Si Ben Zayb nagyuhom kag bumatyag sing katayam sa pagpakahuya sa amerikanhon nga iya gin-aman.
Ang kadak-an, nataklapan sing lunsay itum, nasug-an sing dumaan nga mga lampara, nga nagatungan sing espiritu de vino. Isa ka kudal nga natabunan sing tersyopelo nga itum napihak sa duha ka bahin nga alangay ang kadakuon, ang isa napun-an sing mga pulungkban sa mga tumalan-aw, kag ang isa, nasalugan sing mga tap! nga may alpombra nga nakwadro. Sa ibabaw sini nga salog, sa bahin nga natunga, nagtindog ang isa ka latok nga natabunan sing isa ka panyu nga masili ang kaitum, napun-an sing mga kalabera kag iban pa nga mga lawas nga natungod sa mga kabalistiko.1 Hanti ang mise en scene (palagwaon) nangin mahagnop, kag nagpabatyag sa malipayon nga mga dumuloaw. Ang mga linahuglahog naguntat, naghinambalhambal sila sing mahinay kag ang iban buot magpakita nga daw wala pagsapak, sa ila mga bibig wala maglutaw ang yuhom. Ang tanan nagbatyag katulad sang nagsululod sa isa ka balay diin may patay. Ang bahu sang insenso kag sang kandila nagpadugang sini nga balatyagon. Sanday D. Custodio kag P. Salvi naghambalanay sing mahinay kon bala bagay ukdn indi nga dumilian ang tagsubong nga mga talan-awon.
____________
1 Cabalistico — Butang nga tinago.— 192 —
