— Indì mahimò; tan-awón ninyo nga indì inâ mahimò nga walâ sing mga espeho; dapat niya sa ulihe ilisan ang latók...
Binutang na man ni Mr. Leeds ang panyù sa ibabaw sang latók kag patuhoy sa lutáw nga mga tumalan-aw namangkot:
—Naayawan kamó? Saráng na naton masugdan? balo.
—Abá, indi matióng!— siling sang isá ka ginang nga
—Hanti magpulungkò ang mga ginang kag mga ginuo kag manghunâhonà sang luyag nila ipamangkot.
Si Mr. Leeds nadulà sa isá ka ganhàan kag sang pagligad sang pila ka tión bumalik nga may dalá nga isá ka kaha nga kahoy nga itúm, nga kinaon sang anay, nga may mga gutib nga mga pispis, mga hayop, mga bulak, mga ulo sang tawo kag ibp.
—Mga ginang kag mga ginùo,— silíng ni Mr. Leeds nga may kaligdong,—sang akon makaisá nga pagday-o sa pirámide ni Khufu, paraón2 sang ikap-at ka kabikahan nga manunobii sang ginharian, nakasalunô akó sang isá ka pantyon nga mapuláng' granito, sa isá ka hulót nga nalimtan. nalimtan. Dakû ang akon kalipay sa pagtuo nga nakità ko ang isá ka bangkay sang panimalay nga harianon, apang ang nalainan sang akon buót, nga sang mabuksan ko ang lungón sang tapos ang akon lakás nga pagpangabudlay, walâ akó sing nakità kundi iní lamang nga kaha nga saráng ninyo matan-aw.
Kag pinatan-aw niya ang kaha sa mga naglilingkod sa nahauná nga kubay. Si P. Camorra sumandig katulad sang gintak-an, tinan-aw ni P. Salví sing malapít nga daw ginbalani siá sang mga butáng gikan sa lulobngan; si P. Irene nagyuhóm nga may paghangóp; si D. Custodio nagpakità sing kaligdong kag daw walâ pagsapák, kag si Ben Zayb nangità sang iya espeho; dapat ini makità dirâ kay sa padihutan lamang sang mga espeho.
— Daw nagapanimahò sang patay! —hambal sang isá ka ginang. —Hum!
Kag nanguyáb siá sing mabaskog.
— Nagapanimahò ang limá ka gatós ka tuig! —tugdà sang isá nga iya ginbaskugán.
____________
2 Faraon-Gumalahom nga harianon.
