Nalimtan ni Ben Zayb ang espeho sa pagtan-aw kon sin-o ang nagbungát sang amo nga tinagâ. Isá siá ka militar nga. nakabasa sang maragtas ni Napoleón. Nahisà sa iya si Ben Zayb, kag sa pagbungát sang isá ka tinagâ nga makapalahid kay P. Camorra, nagsilíng siá:
—Nagapanimalò sang Simbahan!
—Ini nga kaha, mga ginang kag mga ginuo,—padayon sang amerikanhon —may unód nga isá ka hakóp nga abú kag isá ka pikás nga pápiro.³ diín may pilá ka tagâ nga na sulát. Tan-awá ninyo, apang ginapangabáy ko sa inyo nga indi lang kamó magginhawa sing mabaskog kay kon maglu pád ang bahin sang abú ang akon espinhe magwâ nga nabuhinan na sing bahin.
Ang butíg, nga ginhambal sing tuman kaligdong kag ginupdan sang kabubut-on sa pagpapati, nagdulót sing amát-amár, kag ang nahanabò nga sang ang kaha ipalibot, walâ sing isá nga nangahás sa pagginhawa. Si P. Camorra nga sa makapilá nakapahayag sa walihan sa Tiani sang mga kasakitán kag mga pagbatás sa impyerno samtang nga sa iya kaugalingon. nagkadlaw sa pagtan-aw sang may kakugmat nga mga panulok sang mga makasasalà, tumagpon sang iya ilóng; kag si P. Salvi, ang amó nga P. Salví nga nakahimò sa adlaw sang mga minatáy sing isá ka lularawan sang mga kalág sa Purgatoryo, nga mga kalayo kag mga dagway nga ginpasanagan sa sihág nga kumbong sing mga lámpara sa alkohol, binalagubay sang mga lentehwelas, sa dakû nga altar sang simbahan sa isá ka banwa sa pagtigayon sang mga pagpamisa kag mga limos, ang maniwang kag mahipos nga P. Salví pumugóng sang iya pagginhawá kag tinulok niya nga may katahap ang amó nga isá ka hakóp nga abú.
—Memento homo quia pulvis es!Kibot ni P. Irene nga nagyuhóm.
—P! — Natikáb ni Ben Zayb.
May nahandà man siá nga amó nga kaisipán kag inagaw sang kanónigo sa iya bàbà.
—Walâ akó makahibaló kon anó ang akon himùon,— padayon ni Mr. Leeds nga tinakpan niya sing mahalungon
__________
3 Pápiro (Papyrus) - Papel gikan sa isa ka kahoy nga gingamit sang mga tagá-Ehipto nga sulolatan.
