ang kaha. - inusisà ko ang pápiro kag nasapwan ko ang duhá
ka taga nga wala nakon mahangpi. Ginbatúbatú ko, kag gintinguhàán ko ang pagmitlang sing mabaskog. kag halos akó
makasambit sang isá sang mabatyagán ko nga ang kaha dumalhay sa akon mga kamót nga daw dinalá sang isá ka daků
nga butang nga mabug-at, nga lumigid sa salóg diín indì ko
halos mahakwat. Ang akon katingala nahimò nga kakugmat,
sang magbukás, nakità ko sa sulód ang isá ka ulo sang tawo
nga tumalagsahon nga pumaonáy sang iya panulok sa akon.
Inudóm kag indi ako makahibaló kon anó ang akon himùon
sa atubangan sang tagsubong nga sapat, walâ akó makahulag
sa isá ka tión nga nagkurog subong sang nahilo sang asugi...
Nagpatawhay akó... Nagtuo akó nga yadto isá ka panan-awan,
gintinguhàán ko ang paglikáw sang akon igtalupangod ngu
ginpadayon ko ang pagbasa sang ikaduhá ka tagâ. Halos ko
ini mamitlang, ang kaha nagtakóp, ang ulo nadulà kag sa
baylo nakità ko liwat ang isa ka hakóp nga abú. Wala ko
masayri natukibán ko ang duhá ka tagâ nga labing' gamhanan
sang kinaugali, ang mga tinagâ sang pagtuga kag paglaglag,
sang kabuhi kag sang kamatayon!
Dumulog sing pilá ka tión si Mr. Leeds nga daw iya gintan-aw ang pamatyag sang mga tumalambong sa iya sugilanon. Sang ulihe sa tikáng nga mabug-at kag malagway, pumalapít siá sa latók nga tinungtong niya sa ibabaw siní ang makatilingala nga kaha.
—Mister, ang panyù! —hambal ni Ben Zayb nga indì magpatubalíng.
—Kag ngaa indì? —sabát ni Mr. Leeds nga masinulundon.
Kag binatak niya sang iya tuó nga kamót ang kaha, kinuhà sang iya wala ang panyù nga bug-os humoblas sang latók sa ibabaw sang iya tatlo ka tiíl. Tinungtong niya liwát ang kaha sa ibabaw, sa tungâ, kag sa tuman kaligdong pumalapít siá sa mga tumalan-aw.
—Dirí luyag ko siá makità!—silíng ni Ben Zayb sa isá ka kaingod niya. -Tan-awón mo kon anó nga pamalibad ang iya himùon.
