Ang daku nga kabangá nabasa sa mga nawóng sang tanán: humari ang kalinóng. Mabatián sing maathag ang kagahod kag sininggit sa dalan, apang ang tanan nabangá kaayo nga ang bahin sang sinabtanay nga naglambot sa ila, walâ gid inakatandog sa ila.
— Ngaa man nga indi kitá makasulód? — pangkot sang isá ka tingog sang babae.
—Abá, nyora, tungod kay yarà ang maná prayle kag ang maná alagád, — sabát sang isá ka tawo. — Sa ila lamang ang ulo sang espinhe.
—Maluyagón man magtan-aw ang maná prayle! —hambal sang tingog sang babae nga nagpalayô. Indì silá maluyag nga mahibal-an sang ibán nga ginabuang silá! Anó! Na luyagan balá sang prayle ang ulo?
Sa tungâ sang tuman nga kalinóng, kag sa tingog nga mabinatyagon nagpadayon ang amerikanhon:
—Mga ginang kag mga ginùo: sa isá ka tagâ karón buhìon ko ang isá ka hakóp nga abú kag mahambal kamó sa isá ka tawo nga nakasayod sang nagligad, sang karón kag madamò sang paalabuton!
Kag ang salamangkero inanáy nga suminggit, nahauná nagtaghoy, sang ulihe mabaskog, nagsalamò ang mga huní nga matagsing nga daw may ginapakamalaot, kag nagngurob katulad sang nagpamahog nga pumatindog sang mga buhók ni Ben Zayb.
— Deremof!—silíng sang amerikanhon.
Ang mga kortina palibot sa palasundayagán nag-uyog-uyog. ang mga lámpara daw mapalong, ang latók nagragaak. Isá ka mahinay nga hagong nagsabát sa sulód sang kaha. Ang tanán nangluspad kag naghipos: ang isá ka babáe nga punô sing kahadlok kag bumatyag nga daw may nagdalagan nga mainit nga tubig sa sulód sang iya saya, kumupo kay P. Salví. Nián ang kaha bumokás sa iya kaugalingon kag sa mga matá sang mga tumalan-aw nagpakità ang isá ka ulo sang isá ka bangkay, nga nalibután sing madabong nga buhók nga maitúm. Ang ulo inanáy nga humomlad sang iya mga matá kag tumulok palibot sa mga tumalan-aw. May kasili nga man kabuhi nga pinalutáw pa gid sang maitúm niya nga mga
