yag ko sa banwa ang ila indì tunay nga kagamhanan. Ginhimuslan nila sa ila mga katuyoán ang balatyagon sang isá ka
pamatan-on nga parì sang Abydos5 nga nagpakilala nga isá
ka balaan!...
Isá ka kalinóng nga masinakiton ang lumontad pagligad sini nga mga tinagâ. Ang amó nga ulo naghambal sang mga pagpasuhot kag mga pagpanikas sang mga pari, kag bisán nga natabô sang laín nga panahón kag laín nga mga pagtuo, nakahatag gihapon sing malain nga balatyagon sa mga prayle nga didto nagtalambong, tungód ayhan kay nakità nila sa idalum ang diutay nga kasaysayan nga nagkaanggid sa bag-o nga nagkahanabò. Si P. Salví inabót sang tuman nga pagpalangurog, nagkurógkuróg ang iya mga bibig kag sinunód sang madalum niya nga mga matá ang panulok sang ulo nga daw nagbalanì sa iya. Mga tinulô sang balhas ang nagsugod sa pagtubód sa iya wala'y unód nga nawóng, apang walâ sing may nakamutík, nga nalingaw kag bumatyag sing maayo.
—Kag paano ang paghingabót nga batok sa imo ginpadihot sang mga pari sa imo pungsod?— pamangkot ni Mr. Leeds.
Ang ulo nagnguyngoy sing masinakiton nga daw naggikan sa alibutod sang tagipusùon kag nakità sang mga tumalan-aw ang iya mga matá, yadto'ng mga matá nga naghingalayo, nagdulóm kag nabutà sing mga luhà. Nagpalangurog ang kadamòan kag nagbatyag sang pagpalanindog sang ila mga buhók. Indì. yadto indi isá lamang ka patûpatò, indi hinagak; sa ulo natabô inâ kag ang iya ginsugid amó ang iya kaugalingon nga maragtas.
—Ay!— hambal niya nga naglungôlungò nga may kasubô. —ginhigugma ko ang isá ka pamatan-on nga babác, nga anak sang isa ka pari,6 putli katulad sang isá ka kasanag, katulad sang bulak nga loto nga bag-o lang bumoskag! Ang pa matan-on nga pari sang Abydos nailà man sa iya, kag nagpadihot sing isá ka kinagubot nga ginamit ang akon ngalan kag
________________
5 Pari sang Abydos —Ang ginapahanungdan sini ni Rizal amó si Pari Salvi sa Noli Me Tangere.
6Anák sang isa ka pari —Ang ginapahanungdan sini ang kahagugma ni Ibarra nga si Maria Clara sa Noli me tangere.
7 Loto —Isa ka sari sang tanúm nga nagatubo sa tubig nga ang bulak mapulá kag nagabuskag sa kadaygan sang tubig nga ginaduho! sang malaba nga dawág.
