ang pilá nakon ka papiro nga nakuhà niya sa akon hinigugma.
Ang kinagubot ginhimò sa tión nga si Cambyses nagbalik nga
naakig tungod sa mga kalaglagan nga iya naagum gikan sa iya
malaot nga pagpanalakay. Ginsumbong akó nga isá ka mabinatukon,8 ginbilanggoò, kag sang makapalagyo akó, sa paglagás
sa akon napatay ako sa linaw Maris. Nakita ko kutob sa kamatayon ang pagdaóg sang panikas, nakità ko ang parì sang
Abydos nga naghingabót sa gab-i kag adlaw sa kailó nga lin-ay
nga nalagyo sa isá ka templo ni Isis sa pulô sang Philoe...
nakita ko siá nga naglagás kag naglugos sa iya tubtob sa mga
lungíb, nga nagpabuang sa iya sa kahadlok kag mga pagbatás, katulad sang isá ka dakú nga dapáy sa isá ka bukáy nga
salampati A! pari, parì, sang Abydos! Nagbalik akó sa
kabuhi sa pagbuyagyag sang imo kalainan, kag pagligad sang
pilá ka tuig nga paghipos ginatawag ko ikaw karón nga mamamatay, manghahalit sang mga butang sa pagtulùohan,
manogbutangbotang ! ! !
Isá ka hinalakhak nga mamalá, mayamî, nagsunod siní nga mga tinagâ, samtang ang isá ka tingog nga laós nagsabát:
—Indi magkaluoy...!
Si P. Salvi yadto nga dinaóg sang kahadlok umontay sang iya duhá ka kamót kag umuy-oy.
— Ano ang nahanabò sa imo, Reb. P. Salví? Malain ang imo pamatyag?—pamangkot n P. Irene.
—Sa kainit sang duóg...
—Sa kabahò sang patay nga ginaginhawa diri.
—Mamamatay, manogbutángbutang, lapas sa pagtuluohán— sulit sang ulo, ginasumbong ko ikaw, mamamatay, mamamatay, mamamatay!
Kag gumuób uli ang talangkaw nga mamalá, daw gikan sa lulobngan kag makapahadlok, nga ang ulo daw nabangá sa pagpanumdom sang iya mga paghinakit walâ niya makità ang kinagulà nga naghari sa kadak-an. Si P. Salvi bug-os nga nalipong.
—Magkaluoy! Buhî pa...! —sulit ni P. Salví, kag nadulà ang iya panumdoman. Maluspi siá nga daw patay. Ang
__________________
8 Isá ka mabinatuken - Iní amó si Ibarra sa Noli Me Tangere nga amó man ang nagahembal karón. Sa El Filibusterismo nagadalá siá sang ngalan nga Simoun.
