ibán nga mga ginang nagtuluo nga katungdanan man nila.
ang magpalipong kag amó man ang ila ginhimò.
—Nagangasal siá... P. Salví!
— Ginsingganán ko na siá nga indì magkaon sang sinabawán nga pugad sang salimbabatáng! —silíng ni P. Irene. — Yadto nakapalain sa iya.
—Sing walâ siá sing nakaon! —sabát ni D. Custodio nga nagkurog.— Kay ang ulo nag-unay sang iya panulok sa iya kag ginbalanì siá...
Dirí siní ang kinagamo; ang kadak-an daw isá ka ospitál, isá ka patag sang pag-awayan. Si P. Salvi daw patay, kag ang mga ginang sang makità nila nga walâ sing nagtabang sa ila pinaumpawán nila ang ila kaugalingon.
Sa karón ang ulo bumalik na sa pagka-abú kag tinaklap liwát ni Mr. Leeds ang maitúm nga panyù sa ibabaw sang latók kag magyaób sa iya mga tumalan-aw.
—Kinahangian nga dumilian ang talan-awon,— siling ni D. Custodio. Batok gid sa pagtulùohan kag tuman ka bastos!
—Labí na gid, kay walâ paggamiti sing mga espeho!— dugang ni Ben Zayb.
Liwát, sang wala pa siá makahalín sa kadak-an luyag niya tan-awón sa katapusan, lumompat siá sa kudál, pumalapít sa latók kag binatak niya ang panyù: walâ, walâ gid bisán ano9
Sang masunod nga adlaw si Ben Zayb nagsulat sing isá ka artikulo diín naghambal siá sang mga kinaalam nga tinagò, sang esperitismo kag ibp., sa gilayón nag-abót ang sugò sang paring' gobernador sa pagpauntat sang talan-awon, apang si Mr. Leeds nadulà na nga iya gindalá sa Hong Kong ang iya likúm.
_______________
9 Apang si Ben Zayb wala gid magiayop. Ang tatlo ka tiil sang latók may mga kalugkalog diin nagdalhay ang mga espeho nga tinago sa idalum sang salóg kag gintabunan sang mga kwadro sang alpombra. Sa pagbutang sang kaha sa ibabaw sang latók matum-ak ang isa ka mwelye kag mahinay nga masaka ang mga espeho; kuhaan sa ulihe ang panyu nga halungan ang pagbatak kag indi pagpadalhayón, makita na ang isa ka kinaandan nga latok nga may mga ulo nga nagahambal. Ang latok naangót sa idalum sang kaha. Pagkatapos sang talan-awon, tabunan liwat sang salamangkero ang latók, itum-ok liwat ang mwelye kag manaog ang mga espeho.
