206
kakità sing mga sumalakdag nga makaapin sa iya sa pag-
bulot-an isá lamang anay ka kailó nga sakristan, mapainumuron kag matinumanon, nga nakapakasál sa isa ka maayuayo
nga dalaga nga ang nanginpaninoy sang ila anák isá ka Kura...
Si Kabesang Andang nagpadayon sang iya pagpanalambiton
sang mga pilipinhon nga mapailubon kag mapainumuron sunô
sa iya ginsiling kag isambit man niya kuntani ang ibán nga
Lungód indì silá katulad sinâ ginpanapok kag ginhingabót,
sang si Plácido, sa isá ka di-salapakon nga pamalibad, nanaog
sa balay kag nagpaamulya sa mga dalan.
Naglibot siá sa Sibakong, Tondo, San Nicolas, Santo Cristo, nga malayo ang iya panghunâhonà kag malain ang buót nga walâ magsapák sang kasingkal sang adlaw kag sang tinaknà, kag lamang sang mabatyagán niya ang kagutom nga natalupangdan niya nga walâ siá sing kwarta tungód nga ginhatag niya tanán sa mga pandot kag sa mga alamután, bumalik siá sa iya baláy. Naghunâhonà siá nga indì niya makità ang iya ilóy kay iní may batasan kon magkadto sa Manila sa pagkadto sa amó nga taknà sa kaingod nga baláy sa paghampang sang pangginggi. Apang ginhulát siá ni Kabesang' Andang sa paghambal sa iya sang iya bukò: pangabayón niya ang bulig sang prokurador sang mga Agustinos sa pagpabalik liwát sang iya anak nga maluyagan sang mga dominiko. Pinahipos siâ ni Plácido sa isá ka hagyù.
- Malukso ako anay sa dagat, silíng niya.-Magsulód akó anay sa pagka-tulisán sangsa magbalik sa Unibersidad.
Kag sang ang iya ilóy magsugod sang iya laygay nahanungód sa pagpaumod kag pagpailob, si Plácido nga wala sing ginkaon lumakát na man uli nga nagkadto sa mga mwelye diín nagpondo ang mga bapor.
Sang makita niya ang isá ka bapor nga nagbatak sing mga angkla nga mapakadto sa Hong Kong tumubò sa iya ang isá ka kaisipán: makadto sia sa Hong Kong, malagyo, magmanggad didto sa paghimò sing ribók batok sa mga prayle. Ang kaisipán nahanungod sa Hong Kong pumokaw sa iya panumdo- man sang isá ka handumanan, isá ka maragtas sang mga
