- 209
insik nga nagbaligyà sing tubó kag ibp. nagpunô sang alagyan
kag sa masili nga kasanag sang bulan may matahúm kag makatilingala silá nga mga dagway kag mga landong. Sa isá ka
baláy ginlanton sang orkesta ang mga balse kag makita ang
pilá ka magkasabay nga nagsaot sa sanag sang mga kingke
kag mga lámpara Daw anó kakubós nga talan-awon sa
pagbilang ni Plácido kon ipaanggid sa mga makatilingala nga
makità sa mga dalan! Kag nagpanumdom sang Hong Kong
namangkot siá kon ang mga gab-i sa amó nga pulô mga mamalaybayon man kaayo, kon may katam-is man sa ila pagkamamingawon katulad sang sa Filipinas kag ang isá ka madalum nga kasubô nanaladsad sa iya tagipusùon.
Minandòán ni Simoun nga magdulog ang salakyan kag silá nga duhá nagpanaog. Sa amó nga tión naglabay sa luyó niya sanday Isagani kag Paulita Gomez nga naghutikanay sing matam-is nga mga tinagâ; sa likód nagsunód si Da. Victorina nga kaupod ni Juanito Pelaez, nga nagsugilanon sing mabaskog. masakò nga naghagyò sang iya mga kamót kag nagtaas pa gid ang iya buklod sa likód. Si Pelaez nga nalingaw wala makakità sa iya anay kaupod sa klase.
-Inâ nahibal-an ko nga malipayon! -kibot ni Plácido nga guminhawa kag nagtulok sa gubán nga nagpalayô nga nahimò nga mga landong, diín makilala sing maayo ang mga butkon ni Juanito nga nagsakà kag nagpaidalum katulad sang mga balayán sang isá ka aliling.
- Amó man lang inâ ang iya pulós! -kibot man iya ni Simoun. Maayo nga pagkapamatan-on!
Sin-o ang ginpahanungdan nanday Plácido kag Simoun? Iní humagyò sa pamatan-on, bumiyà sa dalan kag sumulód sa isá ka nagginumongumon nga mga alagyan kag mga banas nga nagligad sa nagkalainlain nga mga balay; sa walâ madugay naglumpat silá sa mga bató sa paglikáw sa magagmay nga mga danáw, nga nagpaubós sa pag-agi sa isá ka talutog nga indì maayo ang paghimò kag indì man maayo ang pagtipig. Natingala si Plácido sa pagtan-aw sa manggaranon nga manog-alahás nga nag-agi sa amó nga mga duóg, nga daw naanaran na niya sing maayo. Sa katapusan nag-abót silá sa isá ka daw daků nga solar diín may isá ka kubós nga baláy
