210
nga diutay nga naligwin, nga nalibutan sing kasagingan kag mga pinunò nga bonga. Ang pilá ka kagingking sang kawayan kag ang mga tuód siní nakahatag sing pangduhadoha kay Plácido nga makadto silá sa baláy sang isá ka tagtatap sang kastilyo ukón taghimò man sang mga palalukpon.
-A! Ginuo...
Kag nanaog gilayón.
-Yarà na ang pólbora?
pamangkot ni Simoun.
---Sa mga sako; ginahulát ko ang mga kartutso.
-Kag ang mga bomba?
Nahandà na.
-Hanti maayo, maestro,... Karón nga daan nga gab-i lakát ka kag maghambal sa tenyente kag sa kabo... kag gilayón dayunon mo ang paglakát; sa Lamayan makita mo ang isá ka tawo sa baroto; tamyawá siá nga "Kabesa" kag sabton ka niya "Tales". Kinahanglan nga diri ka bwás. Walâ sing panahon nga usikan!
Kag hinatagan niya sing pilá ka kwarta nga bulawan.
- Ngaa, ginùo? pangkot sang tawo sa maayo gid nga kinatsila. - May butáng nga bag-o?
- Hùo, himùon sa isá ka semana nga maabót.
- Sa isa ka semana nga maabót! sulit sang walâ ma- kilal-i nga umisol. - Ang mga nasuók walâ makahandà; ginahulát nila nga bawion sang Heneral ang sugò... sa akon pagtuo paisulon niya sa pagsugod sang kwaresma!
Si Simoun naglungôlungò.
- Walâ kitá sing kinahanglan sang mga nasuók, - silíng niya. Sa mga tinawo ni Kabesang Tales, ang mga kara- binero anay kag ang isá ka rehimyento may tuman na kitá. Sa ulihe, ayhan si María Clara patay na! Lakát ka gilayón!
Ang tawo nadulà.
Si Plácido nakatambong sa siní nga malip-ot nga pagsugilanonay kag nakabatî sang tanán; sang nahangpan na niya nagtilindog ang iya buhók kag tinulok niya si Simoun nga may katingala. Si Simoun nagyuhóm.
-Natingala ka, siling niya nga nagyuhóm sing mabugnaw, nga inâ nga indyo nga kubós kaayo sing panapót makahambal maayo sang kinatsilâ? Isá siá anay ka manu-
