- 211
nudlo sa buluthòan nga nagpanikasóg sa pagtudlò sa kabataan
sang kinatsilâ kag walâ mag-untat tubtob nga inabután siá sing
malain nga palad kag tinapok siá bilang isá ka manogtublag
sang kalinóng sang banwa kag tungód nga nangin-abyan siá
sang wala'y palad nga si Ibarra. Kinuhà ko siá sa iya gintapukan diín nag-alagad siá sa pagpang-utop sang kalubihán kag
hinimò ko siá nga manoghimô sang mga palalukpon.
Bumalik silá sa dalan kag naglakát lang pakadto sa Trozo. Sa atubangan sang isá ka diutay nga baláy nga tapì, nga may danyag nga malipayon kag mahipid, may isá ka katsilà nga naghamboy sa isá ka muleta,7 nga naghiagum sang sanag sang bulan. Si Simoun nagkadto sa iya; sang makità siá sang katsilà iní nagtinguhâ sa pagtindog nga nag-ugayong.
- Mag-aman ka! --silíng sa iya ni Simoun.
-Huo handà akó nga daan!
- Sa masunod nga semana!
― Balá?
- Sa nahauná nga lupók sang kanyon!
Kag nagpalayô siá nga ginsunod ni Plácido nga nagsugod sa pagpamangkot sa iya kaugalingon kon balá walâ siá pagpanamguhanon.
- Ginakatingalahan mo. - pamangkot sa iya ni Simoun, ang magtan-aw sa isá ka katsilà nga lanubò kaayo kag ginasilutan sang mga balatian? Sang duhá ka tuig nga nagligad tuman siá kabakod nga katulad nimo, apang ang iya mga kaaway nakapatigayon sa pagpadala sa iya sa Balábak sa pagpangabudlay sa isá ka kumboyahan nga salabdungan, kag didto duktan ka sang reuma kag pagpalangdalág nga magadalá sa imo sa lulobngan. Ang kailó nakasál sa isá ka maayuayo nga babáe...
Kag sanglit ang isa ka salakyan nga walâ sing sakay nag agi, pinadulog ni Simoun kag kaupod si Plácido nagpadul-ong silá sa iya balay sa dalan sang Escolta. Sa amó nga tión nagbagting ang mga taknàan sa mga simbahan sang taknà nga ikanapulò kag tungâ.
Sang duhá ka taknà sang ulihe, si Plácido nanaog sa balay sang manog-alahás, kag maligdong kag nag-isip naglakát siá
1 Muleta - Sungkod nga may sipit sa ibabaw nga ginagamit sang piáng.
