212
sa Escolta, nga halos na nga wala sing tawo wala'y sapayán sang mga kapehán nga sa gihapon nagpadayon nga masadya kaayo. Ang isá kag isá ka salakyan nagligad sing madasig nga nagragasras sa nataís na nga dalan. sa bibi
Si Simoun kutob sa isá ka hulót sang iya balay sang Pasig, naglantaw sa siudad nga natalutogan, nga iya ginlantaw lapós sa nabuksan nga mga bintanà, nga may mga atóp nga sin nga ginpasili sang bulan, kag ang iya mga tore nga nadanyagán sing masulub-on, masagil-um, mamingawon, sa tungâ sang maligdong nga lambong sang kagab-ihon. Kinakás ni Simoun ang mga tagusilang nga asul, ang iya bukáy nga buhok katulad sang marko nga pilak naglibot sa iya puno'y kabuhi nga nawong nga daw sawáy, nasug-an sing nagakipátkipát nga lámpara, nga ang iya sanag daw napalong kay ku- lang sing agás. Si Simoun nga daw nabangá sa isá ka pang-hunâhonà, walâ makatalupangod nga sa amát-amát ang lámpara naghimumugtò kag nag-abót ang kadulóm.
-Sa sulód sang pilá ka adlaw, - kibot niya, kon sa iya apat ka kilid maghingalayo inâ nga malaot nga siudad, nga pugad sang wala'y kahulogán nga pagpabugál kag sang wala'y ipalatugsiling nga paghimulós sang mga pakok kag mga wala'y palad; kon ang kinagubot magluntad sa mga nasuók kag magdangat sa mga dalan sa pagpanghalit ang akon mga kinabón nga manogtimalós, nga pinasud-o sang kalakasán kag mga kasaypanan, hanti buksan ko ang mga dingding sang imo bilanggòan, kuhàon ko ikaw sa mga gaway sang piyóng nga pagtuo, kag bukáy ko nga salampati, ikaw ang mangín Fenix' nga mabanhaw gikan sa nagabaga nga mga abú... Isá ka ribók nga ginpadihot sang mga tawo sa madulóm naglalás sa akon gikan sa imo luyó; isá pa ka ribók magadul-ong sa akon sa imo mga butkon, mabanhaw sa akon kag inâ nga bulan, sa indi pa mangín-bug-os ang iya kasanag, magasilak sa Filipinas, nga natinlòán sang iya mabahò nga mga higkù!
Si Simoun humipos sing hinali nga daw pinauntat. Isá ka tingog namangkot sa sulód sang iya ipalatugsiling kon siá, si Simoun, indi man balá kabahin sang higkù sang talamayon
8 Fenix - Isá ka pispis nga tuman katahúm sa mitolohiya nga tumalagsa- hon sa iya sari nga sa iya kaugalingon bisán mapatay siá nga mahimo nga abú, gikan sa iya abú mabanhaw siá.
