- 213
nga siudad, nga ayhan hil nga makamamatay. Kag sanglit
ang mga patay magakalabanhaw sa tunóg sang trompetang
madugùon, mga landong nga mabinakhùon sang mga tawo
nga pinamatay, kababaen-an nga kinuhaan sang dungóg, mga
amáy nga pinanguhà sa ila mga panimaláy, mga kaduyogan nga
ginpasagsag kag ginpatubò, mga kaputlì sang ugali nga ginpakatalamayon, magatilindog karón sa tunóg sa likúm nga pamangkot. Nahauná pa lang sa iya kinabuhi sa pagka-kriminal
kutob sa Habana, paagi sa kaduyogan kag pagpadanlog. buót
siá maghimò sing isá ka galamitón sa paghiwat sang iya mga
bukò, isá ka tawo nga walâ sing paglaum, walâ sing paghigugma sa banwa, kag walâ sing ipalatugsiling, nahauná pa lang
sa amo nga kinabuhi bumatyag sing ribók sa sulod sang iya
kaugalingon kag nanumbunganon batok sa iya mga buhat.
Kinipot ni Simoun ang iya mga matá, kag may pilá ka tión
nga walâ siá makahulag; sang ulihe hinapuhap niya ang iya
agtang, nangindi sa pagtulok sa iya ipalatugsiling kag hinadlukán. Indì, indi siá buót mag-usisà, walâ siá sing kaisog sa
pagbalikid sang iya nagliligad... Nadulàan siá sing kaisog labí
na gid nga ang tión sang paghikot naghilapít, nadulàan siá
sing kabubut-on. sing pagsalig sa iya kaugalingon! Kag sang
lit ang mga anino sang mga wala'y palad nga sa ila kapalaran, bumatyag siá, nagpadayon sa paglutáw sa atubangan sang
iya mga matá, nga daw nagginuwà gikan sa maidlakon nga
kadaygan sang subâ kag nagsululód sa iya hulót nga nagsilinggit sa iya kag nagpauntay sa iya sang ila mga kamót; sang-
lit ang mga pamasulbasol kag mga panaghuyon daw nagpunô
sang hangin nga iya ginpamatian ang mga pahog kag mga
tinagâ sa pagtimalós, liniton niya ang iya panulok gikan sa
bintanà kag ayhan amó pa lang nga siá nagpalangurog.
-Indi dapat nga ako nagamasakit, indì akó dapat magbatyag sing maayo, -kibot niya. -kíbot niya. Madamò ang nagahisà sa akon, yadto'ng mga nagapabangód sa akon sang ila malaot nga nadangatan, apang...
Kag binatyag niya nga ang iya agtang naghingalayo, tu- mindog kag magpalapit sa bintanà sa pagginhawa sing lab-as nga dupoydupoy sang kagab-ihon. Sa iya tiilán ginguyod
