PILIBUSTERISMO
nakita sa isa ka subâ, kag, ang pilipinhon nga Ulises, naglayas
halín sa isá ka banwa pakadto sa isá man ka banwa, halín sa isá
ka puód pakadto sa isá man ka puód, sa isá ka pulô padayon sa
isá man ka pulô, ginsunód kag ginlagás sang iya Kalipso nga
nagpangangtipará sing kebedo, nga nagpaakig sa mga tawo nga
may malaot nga palad sa pagpakigbuylog sa iya sa mga salakyan.
Nabalitaan niya nga ang iya bana didto sa puód sang Laguna,
nga nagpanagò sa isá ka banwa, kag didto kumadto siá sa pag-
paganyat sa iya sang iya mga buhók nga linugom.
Ang mga sumalakay nagmasig-inapináy, nga nagpadayon sa pagsinugilanon sing masadya, nga nagbinaisbais sang maskin anó lamang nga butáng. Sa amó nga tión sa mga pasibudsibod kag palikolikò sang subâ, naghinambalanay silá nahanungód sa pag- patadlong sang subâ kag subong man nahanungód sang mga Hilik utón sa Dulongkàan.
Si Ben Zayb, ang magsusolat nga may nawóng sang prayle. nagpakigbais sa isá ka pamatan-on nga pari nga siá sing iya may nawóng sang isá ka manogkanyon. Silá nga duhá nagsinggita- nay, naghagyòáy, nagbatak sang ila mga butkon, naghumlad sang ila mga palad, nagpusdak sang ila mga tiíl, naghambal sang mga pagpatapan, sang mga punót sa isdà, sang subâ sang San Mateo, sang mga kasko, sang mga indyo kag ibp., nga ginkawilihan gid sang ibán nga namati sa ila kag sa hayág nga kalain sang buót sang isá ka pransiskano nga gulang na, nga tuman kaniwang kag kahuyós, kag sang isá ka maambong nga dominiko nga sa iya mga bibig naglutáw ang isa ka yuhóm nga may pagyagutâ.
Ang maniwang nga pransiskanhon nga nakahangóp sang yuhóm sang dominiko buót nga magpadulog sang baisáy nga iya pinatung-an. Sa walâ sing duhadoha gintahâ siá kay sa isá lamang ka hagyù sang iya kamót pinahipos niya ang duhá sa tión nga ang prayle-manogkanyon naghambal nahanungód sang iya naagihan kag ang prayle-magsusolat nahanungód sang mga tawo nga may kinaalam.
- Ang mga tawo nga may kinaalam, Ben Zayb, nahibal-an nimo kon anó silá? - Siling sang pransiskano sa tingog nga nag- daguhób, nga daw walâ maghulag sa iya pulungkoan kag talag- sa naghagyò sang iya maniwang nga kamót. - Didto sa puód
