- 225
sang mga inglés kag mga olandes, nga sa paghimò nga magmasulundon ang mga banwa naggamit sing tagsaon... ginagamit naton ang ibán nga mga paagi nga labí ka humok, labí
nga masaligan; ang maayo nga pagpasilabót sang mga prayle
maayo diín-diín sangsa tagsaon nga inglés...
Ini nga tinagâ niya naghatag sa iya sing kapalaran, kag sa malawig nga panahón ginsulitsolit ni Ben Zayb nga ginsambit ang iya ngalan sa bug-os nga Manila, ang Manila nga ma- dinumdumon naghatag sing pagpadungóg. Ang tinagâ naglambot tubtob sa Madrid, ginhinambitán sa Parlamento nga iya sang isa ka liberal nga nakapuyó sing madugay, ibp. ibp., kag ang mga prayle nga nagbatyag nga pinadunggan sang mga tinaga kag nakità nila nga ginsakdag ang ila ngalan, nagpadalá sa iya sing madamò nga tsokolate, dulot nga ginpabalik gilayón sang indi mapadanlugán nga don Custodio. kag iní nga pamatasan pinaanggid gilayón ni Ben Zayb sa iya ni Epaminondas. Kag wala'y sapayán, ang Epaminondas nga bag-o naggamit man sing uwáy nga tagsaon sa mga tión nga maakig siá. kag amó ang iya gintudlò.
Sang amó nga inadlaw, ang mga kombento, nga nagkahadlok nga makahatag siá sing pamatbat nga apin sa petisyon sang mga tumuluon, naghalatag liwat sing mga dulot, kag sang hapon nga nakità naton siá, naglabí pa gid siá kasakò, nga ang iya kabantugan sa pagkamapisan nabutang sa ital-ital. Lumigad na ang kapin sa napulò kag limá ka adlaw nga ang mga papel nahanungód sa petisyon yarà sa iya mga kamót, kag sang amó nga aga ang mataas nga alagád, sang tapos niya madayaw ang iya pagpangabudlay. namangkot sa iya nahanungód sang iya pamatbat. Si don Custodio nagsabát nga may malikumon nga kaligdong, nga nagpahangóp nga natapos na niya: ang mataas nga alagád nagyuhóm, kag ang amó nga yuhóm nagpagamó kag naghingabót sa iya.
Sa nasambit na naton, nanguy-ab siá nga nanguy-ab. Sa isá sang amó nga mga pagpanguy-ab, sa tión nga iya ginmuklat ang iya mga matá, kag ginkipot ang iya bàbà, nakita niya ang malabà nga kubay sang mga kwaderno nga pulá, nga natung.. tong sing mahusay sa ibabaw sang matahúm nga estante nga.
