226
kamagóng: sa likód sang tagsa mabasahan ang dalagkò nga
mga tigbató: MGA PROYEKTO.
Nalipatan niya sing makatión ang iya mga kahiól kag ang mga kiwakiwò ni Pepay, sa pagpanumdom nga ang tanan nga unód sang amó nga mga kwaderno naggulowâ sa iya mabungahon nga ulo sa mga tión nga siá ginkunyag sa pagsulát! Pilá ka kaisipan nga kaugalingon, pilá ka panghunâhonà nga matayog, pilá ka kalalangan sa paglwás sa kalisód sang mga pilipinhon! Ang pagkawala'y kamatayon kag ang kabalaslan sang pungsod nauyatan na niya!
Katulad sang isá ka tigulang nga nagpakamaalam nga nakasapó sang inagup-opán na nga binugkos sang mga sulát sa paghigugma, tumindog si don Custodio kag pumalapit sa estante. Ang nahauná nga sobre, madamol, nagahabok, punô kag may tig-ulo nga "MGA PROYEKTO nga ginaproyekto."
-Indi! -kibot niya, -may mga butang nga labíng maayo, apang kinahanglan ang isá ka tuig nga basahon. Ang ikaduhá, tuman kadamol man, nga may tig-ulo nga "MGA PROYEKTO nga ginatun-an." Indì man mahimò!
Kag nagsunod ang "MGA PROYEKTO nga madali matapos..." "MGA PROYEKTO nga ginpahayag"... MGA PROYEKTO nga ginsikway"... "MGA PROYEKTO Nga ginpa- kamaayo"... "MGA PROYEKTO nga ginpunggan".. Ining naulihé nga mga sobre may unód nga magagmay nga mga butáng, apang ang katapusan kubós pa gid, amó ang sa "MGA PROYEKTO nga ginahikot."
Pinakunót ni Don Custodio ang iya ilóng. - Anó ang unód? - Nalimtan na niya kon anó ang unód. Isá ka panid nga papel nga nagpalangdalág lumidít sa gintung-an sang duhá ka takop, nga ang sobre daw pumagwâ sang iya dilà.
Kinuhà niya sa bulotangan kag binuksan: amó ang bantog nga proyekto sa Buluthòan sang mga Arte kag mga Palangitan-an.
Nga yawà! ang nabungát niya. Apang ang magtatap siní ang mga Parì nga Agustinos...
Sa hinali hinampak niya sang iya palad ang iya agtang, pinahawod niya ang iya mga kilay, isá ka dagway sang kadalag-an lumotaw sa iya nawóng.
