- 229
sulod, nalipay na lamang sila sa pagtan-aw sang mga nagsulu- lod.
Apang may isa nga daw wala bumatyag sang amo nga kaluyag kag amo nga katingala. Isa sia ka tawo nga mataas, maniwang, nga nagtikang sing mahinay kag nagguyod sang isa niya ka paa nga nagtiskog. Nagsuot sing isa ka rabot nga amerikana nga kapekapehon sing duag kag nagdelargo sang tinambitambi, nga mahigko, nga nagpabanhay sang iya kala- wasan nga lunsay tul-an kag maniwang. Isa ka kalu nga daw uhong, nangin-artistiko sa iya pagkarabot, nagtabon sang iya daku nga ulo, nga naggwa ang pila niya ka buhok nga abuabuhon nga mahigko. mapulapola. malagba. ang mga utbong nagbinalikuko katulad sang gumon nga buhok sang mamalay- bay. Ang labing' talalupangdan sa amo nga tawo indi ang iya panapot, indi ang iya nawong nga europanhon nga wala sing bungot ukon bigote. kundi ang duag nga rnapula nga nag- sulong sa amo nga guya, duag nga naghatag sa iya sing hayu nga Pasayanluto nga sa sina nakilala sia. Isa sia ka dagway nga tumalagsa: sakop sia sang isa ka lutaw nga panimalay, nagkabuhi bilang isa ka lihuliho, isa ka manogpakilimos; ka- liwat sia sang katsila. nga nagpakahuya sang iya kasubong sa gurisnay niya nga pagpanapot; nagpakilala sia nga isa ka re- porter2 kag sa kamatuoran ang iya mga mata nga butlog, nga tuman kabugnaw kag mapanganinawon, nagpakita didto diin may hitabo nga sarang mabantala. Ang iya kalalangan sa pag- pangabuhi isa ka kalatingalahan sa madamo; wala sing naka- sayod kon diin sia nagkaon kag kon diin nagtulog; ayhan may isa sia ka suluksokan sa isa ka duog.
Si Pasayanluto sang amo nga tion wala pagpahayag sing balatyagon nga matig-a kag may bugal suno sa kinaandan; daw isa ka malipayon nga kabalaka ang nadanyag sa iya panulok. Isa ka diutay nga tawo pumalapit sa iya nga masinadyahon.
— Abyaaann! —siling niya sa tingog nga naghagrak ka- tulad sang tingog sang paka, nga nagpakita sing pila ka pesos nga mehikanhon.
Nakita ni Pasayanluto ang mga pesoson, kag pinakinhol niya ang iya mga abaga. Sa iya ano ang pulos?
2 Reporter — Isa ka manunolat sa pamantalaan.
