230
Ang kaladlawan nga diutay nga tigulang amo ang angay nga baliskad niya sing dagway. Diutay, diutay kaayo, nata- bunan ang iya ulo sang isa ka kalu nga daw kopa nga nahimo nga daw daku nga ulod nga bulbulon, nagdapat sa prak nga masangkad, masangkad kaayo nga tama kalaba nga nagtupong sa utbong sang iya mga pantalon nga tama kalip-ot nga wala paglwas sa mga batiis. Ang iya lawas daw amo bilang ang lolo kag ang iya mga paa amo bilang ang mga apo, samtang nga sa iya mga sapatos daw nagpanakayon sia sa mamala, mga sapatos nga dalagko nga iya sang sakayanon nga nagpanum- bunganon batok sa daw bulbulon nga ulod sa iya ulo sa kusog sang isa ka kombento sa luyo sang isa ka Elyposisyon Unibersal.3 Kon si Pasayanluto mapula, sia iya mailum; ina’ng isa sam tang nga kabikahan sang katsila wala sing bisan isa ka buhok nga nagtubo sa iya guya, sia, nga indyo may burangos kag mga bigote nga bukay, malagba kag malaka. Ang iya panu- lok buhi. Gintawag sia kay Tyu Quico, kag, sanglit abyan niya, nagpangabuhi man sa pagka-mamantala: nagpabalahuba sang mga palagwaon kag nagpamilit sang mga programa sang mga leatro. Ayhan sia lamang ang pilipinhon nga makalakat nga may kalu, daan kag gision nga prak subong man sang iya abyan nga amo lamang ang katsila nga nagkadlaw sa kadung- ganan sang ila kabikahan.
— Ang pranses nakahatag sa akon sing maayo nga gratipi- kasyon, — hambal niya nga nagyuhom kag nagpakita sang iya tumalagsa nga mga lasi nga daw dalan nga inagyan sing su- nog. — Ginaunahan ako sing bayad sa pagpamilit sang mga programa!
Pinakinhol liwat ni Pasayanluto ang iya mga abaga.
— Quico, — hambal niya sa tingog nga nagdaghob, — kon ginahatagan ka nila sing anum ka pesos sa imo pagpangabud- lay, pila man ang ginahatag nila sa mga prayle?
Si Tyu Quico sa iya kinaandan nga kakisay, pumatanga sang iya agtang.
— Sa mga prayle? ... — Kay dapat mo mahibal-
an, — padayon ni Pasayanluto — nga ini tanan nga nag-
sululod ginpatigayon sang mga kombento!
———————
3 Exposicion Universal — Isa bilang ka kamabal dim nagapasundayag ang nagkalainlain nga mga pungsod sang kalibutan sang ila mga patubas.
