232
kag matinipigon sang gugma sang ila mga bana, kag sang mga
babác nga may mga nobyo, samtang ang mga hilway kag mga
matahúm nagpahayag nga silá maluyag gid sang opereta. Nagbinayluhanay sing mga sulát kag kapin pa nga mga sulát, may
nagpinakadto-pakarí, binasulanay, tinipuntipon, hinimbunhimbon, sinabtanay; ginhambalán man ang nahanungód sa kinagubot sang mga indyo, ang katamad, ang mga kabikahan nga
kubós kag mataas, ang kadungganan kag ibán nga binugál,
kag pagkatapos sang madamò nga linibakanay kag kinumodkumod, ang pahanugot ginhatag, kag si P. Salví nagpabantalà sang isá ka pastoral15 nga walâ sing nagbasa kundi ang mananadlong lamang sang imprenta. Ginhambalhambal kon balá
ang heneral nagpakig-away sa Kondesa, kon balá iní nagpaligad sang iya mga tinión sa mga baláy sang kalipay, kon balá
ang Iya Taslangdon nagpalibóg; kon balá ang Konsul nga
pranses, may mga dulot. ibp. ibp. Kag ginhinambitán ang
madamò nga ngalan, ang iya ni insik Quiroga, ni Simoun kag
sang madamò nga artistang babae.
Salamat sa sini nga nabalahubà nga panugod, ang kataká sang mga tawo nag-init, kag kutob sang nahauná nga gab-i nga amó ang pag-alabót sang mga artista, ang ginhambalán lamang amó ang pagsulod sa nahauná nga paggwâ. Kutob sang makita ang mga kartelón nga pulá nga nagpasayod Les Cloches de Corneville, ang mga nagdalaóg nagsilinadya sa ila kadalag-an. Sa pilá ka talatapán, sa baylo nga mag-usik sing panahon sa pagbasa sang mga pamantalaan kag magsinugilanon, nagsauló silá sang mga kasaysayan, nagbasa sang malip-ot nga nobela nga pinaranses, kag madamò ang nagpamalibad nga malain ang ila tiyán agúd nga sa kasilyas makatan-aw sa pamalhok nga diksyonaryo sang mga tinagâ nga indì nila mahangpan. Indì tungód sini nga ang mga hilikutón ila ginpaiway; kundi sa baylo, pinabalik nila ang tanán sang masunód nga adlaw, apang ang mga tawo indi makapangakig: may pilá ka alagad nga matinahuron kaayo, tuman ka maamumahon, nga bumaton kag nagpaalam sa ila sa tuman nga pagyaób katulad sang mga pranses: Ang mga alagad naghanashanas, nagsalandok sang yab-ok sa ila pinaranses nga pagyaób
6 Pastoral - Isá ka sinulát nga laygay ukón pabalasan sang pari.
