- 233
kag nagtinawganay silá nga oui monesiour s'il bous plait, kag
pardon! sa tagsa ka paglisò makalilingaw ang magtan-aw kag
magpamati sa ila. Apang ang mga duóg diin ang ginualgoal
dumangat sa putóputokán amó ang sa mga talatapán sang mga
pamantalaan; si Ben Zayb, nga ginhimò nga tagbadlong kag
taglubád sang mga tinagâ, nagkurog katulad sang isá ka kailó
nga babae nga ginsumbong sa pagpangaswang; nakità niya ang
iya mga kaaway nga nagbasol sa iya sang mga kasaypanan
kag hinabóy sa iya nawóng ang iya diutay nga nahibal-an sa
hambal nga pranses. Sang pagpagwâ sang Operang' italyanhon. diutay lang siá makakità sing kaaway sang malubád niya
sing indi nagkaigò ang ngalan sang isá ka tenor; ang isa nga
nahisà nagpabantalà gilayón sing isá ka sinulatán nga nagtawag
sa iya nga isá ka pakok, siá, nahauná nga ulo nga manogpainuino sa Filipinas! Daw anó nga libóg ang nahatag sa
iya sa pagpangapin! Sa kubós na gid napilitán siá sa pagsulát
sing napulò kag pitó ka artikulo kag sa pagtan-aw sang napulò
kag limá ka diksyonaryo. Kag sa siníng dulomdumon nga
handumanan ang kailó nga Ben Zayb nagpakahinay sa paggamit sang iya mga kamót, indì naton pag-isilíng sang iya mga
tiíl, indì sa pag-ilóg kay P. Camorra, nga may kakahas sa pagtamay sa iya nga kunó naggamit sang iya mga til sa pagsulát.
—Nakita mo Quico? —hambal ni Pasayanlutò. —Ang katungâ sang mga tawo nag-abót tungód kay ang mga prayle nagsilíng nga indì silá magkadto; isá bilang ka pagpakilala sang ila batok nga balatyagon; kag ang isá ka katungâ, tungód kay ginhambal nga: gindumilian silá sang mga prayle? Hantì, dapat nga makatudlò. Patiha akó, Quico, ang imo mga programa maayo, apang maayo pa gid ang Pastoral, wala'y sapayán nga walâ sing nakabasa!
—Abyaaan, nagapati kana. pangkot ni Tyû Quico nga indì mahamtang, —nga tungód sang pagpakig-indis ni P. Salví, sa uliheee dumilìan nila ang akon mga ginahikooot?
—Saráng mahimo, Quico, saráng mahimò, —sabát sang isá nga nagtanglà. –Ang kwarta nagsugod sa pag-iwat...
Si Tyû Quico nagkibot sing pilá ka taga kag mga pulong nga walâ nag-alangot; kon ang mga prayle magsulod sa pagka-
