234
manogpabantalà sang teatro, masulód man siá sa pagka-prayle.
Kag sang tapos siá makapaalam sa iya abyaaan nagpalayo siá
nga nag-ubó kag pinalagting niya ang iya mga pesosón.
Si Pasayanlutò, sa iya gihapon ugali nga may kalas-ay, nagpadayon sa pagpanudángsodáng diri kag didto nga ginguyod niya ang iya paa kag ang panulok madinamguhanon. Umagda sang iya igtalupangod ang pag-abót sang bago nga mga nawóng. nga nag-alabót halín sa nagkalainlain nga mga duóg nga naghinagybay sa pagpangilay kag pag-igham. Amó pa lang niya makità sa amó nga hitabo ang amó nga mga tawo, siá. nga nakakilala sang tanan nga dagway sa siudad kag sang tanan nga guyá dirâ. Mga tawo nga madulóm sing pangnawóng, mga likod nga nagbalikùkò. may balatyagon nga di- mahamtang kag diutay sing pagsalig, kag indi maayo ang ila pagpahilúm. kay daw bag-o pa lamang sila makasuót sang amerikana. Sa baylo nga magkadto silá sa nahauná nga kubay agúd makakità silá sing maayo, nagpalalipód silá sa mga landong nga daw ginlikawán nila nga makità silá.
—Mga polís-lampitáw ukón mga tulisan? —pamangkot ni Pasayanlutò, kag pumakinhol dayon sang iya mga abaga.— Kag sa akon, ano ang pulos?
Ang parol sang isa ka kotse nga nagsampot naghatag kasanag sang makaligad sa apat ukón limá sini nga mga tawo nga naghinambalanay nga daw mga militar.
—Polís-lampitáw! Ayhan bag-o nga gubán! –Kibot niya.
Kag nagpakità sang iya dagway nga may kalas-ay. Apang sang ulibe namutikán niya nga ang militar sang tapos makahambal sa duhá ukón tatlo pa ka gubán, nagkadto sa isá ka kotse kag daw naghambal sing tuman kasakò sa isa ka tawo sa sulód. Si Pasayanlutò lumakát sing pilá ka tikáng, kag wala matingala nagtuo siá nga nakilala niya si Simoun nga manog-alahás, samtang nga sa iya masanting nga palamatin-an nabatìán niya ining malipot nga hambalanay:
Ang tiliman-an isá ka lupók!
—Hùo, ginuo.
—Indi ka magkatahap; ang heneral amó ang nagsugò siní; apáng mag-andam sa pagpanugid. Kon sundon mo ang akon mga tudlò, pasakàan ko ikaw.
