236
mabulungon kag masusihon. kag si Tadeo naggamit sang iya
kalalangan kag diutay nga nahibal-an sa pagsugid sa iya sang
labing dalagkò nga kabutígán. Ang tagsa ka katsilà nga maghatag sa iya sing katahurán nga uloalagád ukón manogbulíg sa
almasín, ginsugid niya sa iya kaupod nga tagdumala sang palatikangan, nga markes, nga konde. ibp.; apang kon may maglabáy nga indi magdulog. psh! isá ka bag-uhan, isá. ka kubós
nga opisyal, isá nga walâ makilal-i! Kag kon makulangan ang
mga naglalabáy sing butáng nga makaagda sang igtalupangod
sang bag-uhanon. hambalón niya ang matahúm nga mga kotse
nga nag-alagi; si Tadeo mahamuoton nga madukô, mahagyò
sang iya kamót sing mainabyanon, masilíng nga —Paalam! —
nga daw nakilala niya sing maayo ang sumalakay.
— Sin-o siá?
— Abá! masahát siá nga daw pasapayán, —ang Gober nador Sibil...ang lkaduhá nga Kabo... ang mahistrado... ang asawa ni... sang akon mga abyan!
Ang bag-uhanon nagdayaw sa iya, kag namatì sa iya nga natuntohán kag naghalong kaayo nga siá nagpatuon sa walá nayon. Si Tadeo abyan sang mga mahistrado kag mga gobernador.
Kag ginhingadlan sa iya ni Tadeo ang tanan nga tawo nga nag-alabót, kag kon indi niya kilala, naghimûhimò siá sang ila mga ngalan, sang ila mga maragtas kag naghatag sing makabululong nga kasaysayan.
— Nakità mo? Ina'ng tawo nga mataas, nga may mga patilya nga maitúm, libatlibaton, nagapanapót sing itúm, si mahistrado A, mahirop nga abyan sang asawa ni Koronel B; isá ka adlaw, kon indi lang tungód sa akon, nag-away ang duhá... paalam! Tan-awá. didto nián nag-abót ang koronel, basi kon mag-away silá?
Pinunggan sang bag-uhanon ang iya pagginhawá, apang ang koronel kag ang mahistrado nagkumostahanay sing mahamuoton; ang militar, isá ka ulitawo namangkot sang kahimtangan sang lawas sang panimaláy kag ibp.
—A! salamat sa Diwa! —guminhawa si Tadeo. —akó ang nagpahirupáy sa ila.
