- 237
—Saráng mo silá mapangabáy nga pasudlon kitá? —pamangkot sang bag-uhanon nga may katahap.
—Nga tawo ka! Walâ akó pag-utang sing maskin anó riga kabalasian! Siling ni Tadeo nga may bugál. —Ginahimò ko inâ apang walâ sing bisán anó nga ginapaabót.
Kinagát sang bag-uhanon ang iya mga bibig, kag bumatyag nga labí siá nga nagdiutay kag nag-uloantad siá sa iya kasimanwa.
Padayon ni Tadeo:
—Inâ si Músike H... inâ, si mananabang J, nga nagmitlang nga bilang iya kaugalingon ang pamulongpulong nga nähamtang sa tanan nga libro, kag ang mga nagpalamatî nagpangibulahan sa iya kag nagdalayaw sa iya... Inâ si médiko K, inâ nga nanaog sa kotseng Hansom, sampaton sa pagparnulóng sang mga balatian sa kabataan tungód sinâ ginatawag siá kay Herodes... Inâ amó ang bangkero nga si L, nga ang ginahambal lamang amó ang iya mga manggad kag ang iya almo..inâ ang mamalaybay nga si M. nga sa gihapon naga- hambal sang mga bituon kag sang kapin pa dira... Didto ang matahúm nga asawa ni N, nga sa masunson ginapakigkitaan ni Pari Q kon ang iya bana sa lwás... si komersyanteng' hudiyo nga si P, nga nagkarí nga may dalá nga isá ka libo ka pesos, kag karón milyonaryo na... Ina'ng may malabà nga bungot amó ang médiko nga si R, nga nagmanggaranon sa pagpanghimò sang mga masakitón sa baylo nga paayuhon niya...
—Naghimò sing mga masakitón?
—Huo. nga tawo ka, sa pag-usisà sang mga lawas sang inga kilintuson ... Talupangdi! Inâ nga talahuron nga tawo. nga nagapanapót sing matahúm indi médiko, apang isa ka homeópata sui generis; nagapamulóng sa tanán nga paagi sa similia similibus (pagpaangay-angay)... Inâ nga pamatan-on kapitán sang kabalyeriya nga sa iya nagabuylog, isá niya ka matutom nga sumolunod... Ina'ng nagapanapót sang maputî nga ang iya kalù napilô, si alagád S, nga ang iya pagsulondan indi magmatinahuron, kag ginasakyan siá sang panuláy kon
6 Homeópata --Isá nga nagpamulong paagi sa pagpaangay-angay sang ginabatyag sang masakitón sa isá man ka masakitón. Ini nga paagi sa pagpa- mulóng ginpatok ni Dr. Samuel Hahnemann.
