228
makita niya ang isa ka kalu nga natungtong sa ulo sang isa ka
tawo; ginasiling nila nga ginahimb niya ina sa paglaglag sang
palatikangan sa mga kalu nga aleman... Ina’ng nagasampot
kaupod sang iya panimalay amo ang manggaranon kaayo nga
komersyante nga si C. nga may kapin sa isa ka gatos ka libo
ka pesos nga ginabaton sa mga palahinakayan nga balay...
apang an6 ang isiling mo sa akon kon isugid ko sa imo nga
may utang pa sia sa akon nga apat ka pesos, lima ka real kag
napulb kag duha ka sikapat? Apang, sin-o ang masukbt sa isa
ka manggaranon nga subong sa iya?
—May utang sa imo ina nga ginuo?
—Matuod! Isa ka adlaw binawl ko sia sa daku nga italital; byernes yadto nga adlaw ikapito kag tunga ang takna sa aga; madumdoman ko pa; wala pa ako sadto makapamahaw... Ina nga babae nga ginasunod sang isa ka tigulang man nga babae amo ang bantog nga si Pepay nga baylarina... karon wala na sia pagsaot kutob nga ang isa ka tawo nga tama ka katoliko kag abyan ko nga mahirop ... nagdumili sa iya ... Yadto si kalabera Z; malauman nga nagahingabot kay Pepay sa pagpabalik sa iya sa baylihan. Maayo sia nga tawo, nga abyan ko gid; wala . sing iban nga masawayan sa iya kundi isa lamang: mestiso insik sia kag nagatawag sa iya kaugalingon nga katsila sia nga taga-peninsula. Sst, tuloka si Ben Zayb, ina’ng may nawong sang prayle, nga nagadala sing lapis sa kamot kag isa ka linukot nga mga papel, amo ang dakd nga manunolat nga si Ben Zayb, mahirop ko gid nga abyan; may kinaalam!
—Isugid mo, kag ina’ng diutay nga tawo nga may mga patilya nga bukay...
—Ina amo ang naghimb sang iya tatlo ka anak nga babae, ina’ng tado nga magagmay, nga mga kabulig sa iya Talatapan sa pangulohan agud mabutang ang ila mga ngalan sa listahan sang silweldohan... isa ka tawo nga tuman kaabtik, apang natam-an na man kaabtik! Mahimb sia sing katuntohan kag ipabangdd niya sa iban; mabakal sia sing mga kamisadentro kag bayaran niya gikan sa Kaha. Maabtik, tuman kaabdk, apang natam-an na man kaabtik! ...
Si Tadeo natublag.
