- 239
—Kag inâ nga tawo nga daw mabangis kag nagatulok sa tanán sa ibabaw sang iya mga abaga? —pangkot sang baguhanon nga nagtudlò sa isá ka tawo nga naghulag sang iya ulo nga may pagka-matinaastaason.
Apang si Tadeo walâ magsabát, naglabà ang iya liog sa pagtan-aw kay Paulita Gomez nga nagsampot nga gin-updan sang isa ka abyan niya nga babae, ni donya Victorina kag ni Juanito Pelaez. Iní nagdulot sa ila sing isá ka pulungkòan sa palko kag nagdugang pa gid ang tiundò sang iya likod.
Nag-alabót ang mga kotse kag kapin pa nga mga kotse, nag-alabót ang mga artista nga nagsululód sa isá ka ganhàan nga ginsunod sang ila mga abyan kag mga humalangád.
Si Paulita nakasulód na kag nagpadayon si Tadeo:
—Inâ sila nga lin-ay nga kahinablusan sang manggaranon nga si Kapitan D, inâ silá nga nag-alabót sa isá ka landó;7 na- kità mo kon daw anó katahúm kag katinlò sa ila? Apang sal sulód sang pilá ka tuig mahimò silá nga mga bangkay ukón mga buang... si Kapitán D nagapamatok nga magpakasál silá, kag ang kabuangan sang amáy mamutikán sa mga hinablos... Inâ si gining E, ang manggaranon kaayo nga manunobli nga ginasuayan sang tanán kag sang mga kombento... Hipos! Inâ nakilala ko! Si P. Irene, nga nagapahilúm, nga naggamit sing dîtunay nga mga bigote! Nakilala ko siá sa iya ilóng! Kag siá ang nagpamatok gid siní!...
Ang bag-uhanon nagtulok nga natingala kag nakita niya nga nadulà ang isá nga nagsuót sing prak nga natabas sing maayo sa likód nayon sang isá ka gubán sang mga babae.
—Ang tatlo ka Parka!8 padayon ni Tadeo sang makità niya nga nagsampot ang tatlo ka dalaga nga mamalá, daw mga tul-an, nagkulpà ang ila mga matá, masangkad sing mga bàbà, kag nagsuót sing mga kursi. —Ginatawag silá nga...
—Atropos?... —tikáb sang nagkurog nga dilà sang bag-uhanon nga buót magpakità nga may nahibal-an man siá, sa magkubós sang mitolohiya."9
7 Landó -Isa ka sari sang karwahe sang panahon sang mga katsila.
8 Parca -Tatlo ka babae sa mitolohiyang' Gresyanhon nga sanday Aque- sis, Cloto kag Atropos. Sila bilang ang mga larawan sang Kabuhi, Balatian kag Kamatayon.
9 Mitología -Mga tinawo kag ang ila kinabuhi sa handurawan.
