246
dulot ni Makaraig, nga ginkuhà niya nga daan nga ginkaisahan nila ni Pepay agúd iya mapabatyag si don Custodio. Si
Pepay nakasulat na sang amó man nga hapon sa bantog nga
hukóm nga naghulát sing balos nga ginsingganán siá nga makitàáy silá sa teatro. Sa siní nga kabangdanan si don Custodio,
wala'y sapayán sang mabaskog nga pagpamatok nga iya ginpakità sa operetang' pranses, nagkadto sa teatro, nga tungód
siní ginmulay siá ni don Manuel, ang iya dumaan nga kasumpong sa mga sesyon sa Ayuntamyento.
-Nagkarí akó sa paghukóm sang opereta! - pagsabát siá sa paningog sang isá ka Caton³ nga busóg sa iya ipalatugsiling.
Hanti, si Makaraig nagpakigbayluhanay sing panulok nga halangpon kay Pepay, nga nagpakilala sa iya nga may inoghambal siá; kag sanglit ang baylarina may nawóng nga malipayon, ang tanán nagtagnà nga masaligan na ang ila kadalag-an. Si Sandoval nga bag-o lang mag-abót gikan sa pagpanan-awtan-aw sa ibán nga mga palko, nagpasalig nga ang pamatbat maayo sa ila, nga sang amó man nga hapon gin-usisà sang mataas nga komisyon ang ila petisyon kag ginpakamaayo. Gani, nga ang tanán, nagmalipayon; patí si Pecson nalimot sang iya balatyagon nga wala'y paglaum sang makita niya si Pepay nga nagyuhóm nga nagpakità sing isá ka diutay nga sulát; nagmasigkumostahanay sanday Sandoval kag Makaraig, si Isagani lamang ang nabilín nga daw mabugnaw kag halos nga nagyuhóm.
Anó ang nahanabò sa pamatan-on?
Si Isagani, sang iya pagsulód sa teatro, nakità niya si Paulita sa palko kag si Juanito Pelaez nga nagsugilanon sa iya. Nakadulog siá nga nangluspad kag nagtuo siá nga nagsayóp siá lamang. Apang indì, siá man, siá nga nagyaób sa iya sa makaluloyag nga yuhóm, samtang ang iya matahúm nga mga matá daw nagpangayò sa iya sing pagpasaylo kag nagtug-an nga mahatag sa iya sing mga kasaysayan. Sa pagkamatuod, nagkaisahay silá nga si Isagani mauna sa pagsulód sa teatro sa pagtan-aw kon balá sa palagwàon walâ sing mga butang nga indì bagay sa isá ka pamatan-on nga babáe, kag karón nakità niya siá, kag labí pa nga kaupod niya ang iya kaindis sa pag-
3 Catón - Isá ka maalam kaayo nga tawo.
