- 247
higugma. Ang naglabay sa balatyagon sang pamatan-on indi
nga mas-a maasoy: kaakig, kaimon, kahuloy-an, kaaligutgot,
ang nagdabdab sa sulod sang iya lawas; may tión nga giohandum niya nga ang teatro marupsak; may luyag siá sa paghalakhak, sa pagpakahuyâ sang iya kahagugma. hangkatón ang
iya kaindis, maghimò sing isá ka kinagulà, apang nagpakatawhay na lamang siá sa pagpungkò sing mahinay kag walâ na
magtulok sa iya. Nabatián niya ang matahúm nga mga proyekto nga ginhimò nanday Makaraig kag Sandoval kag naglambot sa iya idulungog gikan sa malayô; ang mga lagsak
sang balse sa iya daw mga masubô kag makahalanuklog; ang
bug-os yadto nga tumalan-aw, lunsay mga buang, kag makapilá ginhimulatan niya ang pagpugóng sang iya mga luhà.
Bisán ang nahanabò sa isá ka tawo nga indì maluyag magbiyà
sa butaka, ukón ang pag-abót sang Kapitán Heneral halos niya
natalupangdan; nagtulok siá sa natunton nga telon nga nagpahayag sang isá ka galeriya4 sa tungâ sang matahúm nga mga
kortina nga pulá, diío makità ang isá ka hardin nga sa tungâ
siní may isá ka busáy. Daw anó kasubô nga gintan-aw niya
ang galeriya kag daw anó ka makapulong-aw sang talan-awon!
Madamò nga madulóm nga mga handumanan ang naglulotáw
sa iya panumdoran katulad sang malayô nga mga tunóg sang
lanton nga mabatián sa kagab-ihon, katulad sang tingog sang
isá ka ambahanon nga iya nabatián sang diutay pa siá, hagong
sang mamingaw nga mga kagulangan, masagil-um nga mga
sapâ, mga kagab-ihon nga masanag ang bulan sa mga higád
sang dagat, nga naghumlad sing malapad sa atubangan sang
iya mga matá... Kag ang may paghigugma nga pamatan-on
nga ginbilang nga walâ gid sing palad, nagtanglà sa atóp agúd
nga ang iya mga luhà indi mataktak sa iya mga matá.
Ang isa ka mabaskog nga pinalakpak lumingaw sa iya sa iya pagpanganinaw.
Bag-o lang binatak ang telon kag ang malipayon nga gubán sang mga umanhon nga tagá-Corneville nagpakità sa iya mga matá, nga nagsuluót sang ila mga gora nga algodon kag sang ila mabug-at nga mga sapatilya nga kahoy sa ila mga tiíl. Silá, mga anum ukón pitó ka babáe, nga napintahán sing
4 Galeria - Alagyan ukón dalan
