248
maayo sing mapulá ang ila mga bibig kag mga pisngi, kag
may dalagkò nga manipulon nga itúm palibot sa ila mga matá
sa pagpadugang sang ila kasili, nagpakità sing maputi nga mga
butkon, mga tudlò nga napun-an sing mga brilyante kag mga
batiis nga mabilog kag nabanhay sing maayo. Kag samtang
nga nag-alamba silá sang mga tinagâ nga normanda6 nga allez, marchez allez, marchez! nagyuhóm silá sa ila tagsa ka huma-
langád sa mga butaka, nga may tuman nga pagkadaramhak,
nga si don Custodio, sang tapos siá makatulok sa palko ni
Pepay, sa pagtan-aw kon balá ginhimò man niya inâ sa isá niya
ka humalangád, nagsulát sa iya kartera sini nga dinamák, kag
sa pagpat-od kon tutuo, dumukô siá sing diutay sa pagtan-aw
kon ang mga gumulowà nagpakità sang ila mga tuhod.
-0. iní nga mga pransesa! Kumod niya samtang ang
iya mga panghunâhonà nagkadulà sa mga pagbinagbinag sa
butang nga mataas kag nagpaangay-angay kag nagpanumdom
sang iya mga proyekto.
QUOI V'LA TOUS LES CANCANS D'LA S'MAINE!... ang amba ni Gertrude, isá ka may bugál nga babaeng' pamatan-on nga nagpadalóng sang iya mga matá sa Kapitan Heneral.
-May cançán 6 kitá! -hambal ni Tadeo, ang nakakuhà
sang nahaunang' padya sa pinaranses sa iya klase, nga nakahangóp sini nga tinagâ. Makaraig, masaot silá sang cancán.
Kag malipayon nga binag-id niya ang iya mga kamót.
Si Tadeo, kutob nga nabatak ang telon, walâ magsapák sang músika; tinan-aw lang niya ang malaw-ay, ang makangilil-ad, ang binastos sa mga hulag kag sa mga panapót, kag sa iya diutay nga pinaranses pumasanting sang iya igdulungog sa pagdakóp sang kabastusán nga ginsinggit sing mabaskog sang maid-id nga mga mananalawsaw sang iya pungsod.
Si Sandoval, nga nagsiling nga kunó nakahibaló sang hambal nga pinaranses, nahimò nga isá bilang ka manoglubád sa iya mga abyan. Nakahibaló siá sing diutay subong kay Tadeo, apang sa bulig sang mga pulong nga nabantalà sa mga pamantalaan, kag ang ibán gindugangan niya sang maabót sa iya panumdoman.
6 Normanda - Hambal sang mga tagá-Normandia, 6 Cancán - Saut nga pinaranses nga binastos.
