- 249
-Huo, siling niya, masaot silá sang cancán kag siá sina ang madumala.
Sanday Makaraig kag Pecson nagkalabangá, nga sa walâ pa nga daan nagyuhóm. Si Isagani nagtulok sa ibán nga bahin, nga bumatyag sing kahuyâ nga si Paulita nagtambong sa tagsubong nga talan-awon, kag naghunâhonà sa pagpakigdesapiyo kay Juanito Pelaez sa masunod nga adlaw.
Apang ang aton mga pamatan-on naghinúlat sang waay lawas. Gumwâ si Serpolette, isá ka mayuyom nga pamatan-on nga babác, nga may gora nga algodon nga amó man ka makagalanyat kag maisog manuloktulok;
HEIN! qui parle de Serpolette? pangkot niya sa mga naghinutikanay, nga gin-untay niya ang iya mga butkon sa hagyù nga makig-away. Isá ka lalaki namalakpak, kag sang ulihe sumunod ang tanán nga tagá-butaka. Si Serpolette, nga walâ magbiyà sa iya gawi sa pagka-maayo nga babác, nagtulok sa nahauná nga nagpamalakpak sa iya kag binayaran niya sing isá ka yuhóm, nga pumakità sing magagming nga mga ngipon nga daw isá ka diutay nga lugway sang mga mutyà sa isá ka sulodlan nga tersyopelo nga pulá. Tinultol ai Tadeo ang iya gintulok kag nakita niya ang isá ka lalaki, nga may mga bigote nga di-tunay kag ilóng nga malabà kaayo.
-A, lilintukan! - Silíng niya, - Si Irenilyo!
— Huo, — sabát ai Sandoval, - nakita ko siá sa sulód nga nagpakighambal sa mga gumulowang' babáe.
Sa pagkatutuo, si P. Irene, nga isá ka maluyagón gid sa músika kag nakahibaló sing maayo sang pinaranses, pinadalni P. Salví sa teatro nga isá bilang ka polís-lampitáw sang pagtuluohan, nga sa tagù amó iní ang iya ginpanugid sa mga tawo nga nakakilala sa iya. Kag sanglit maayo nga sumalabdong nga indì maayawan sa pagtan-aw lamang sang mga butáng sa malayô, luyag niya nga susihon sa malapit ang mga artista; nagsimpon siá sa gubán sang mga humalangád kag mga nagpalaabóng, sumulód sa hulót nga ililisán diín ginhutíkhotik kag ginhambal ang pinaranses nga kinahanglanon, pinaranses nga tinindahán, hambal nga nahangpan sing maayo sang isá ka babaeng manogbaligyà kon ang manogbakal daw may luyag sa pagbayad sing mahál.
